Ердоған: Апат болған аймақтарда 270 мыңға жуық үй салу жоспарлануда
Жарияланды
6 ақпандағы жойқын жер сілкіністерінен зардап шеккен Түркия провинцияларын қалпына келтіру процесі ағымдағы жылдың наурыз айында басталады. Бұл туралы Президент Режеп Тайып Ердоған мәлімдеді.
![](https://kz.kursiv.media/wp-content/uploads/2023/02/thumbs_b_c_0616cef5ebc0f0c15066775591b2bb70.jpg)
Президенттің айтуынша, бір жыл ішінде елдің он бір провинциясында 270 мыңға дейін үй салу жоспарлануда.
Ол апат аймағындағы ахуалды зерттей келе алдағы айларда құрылысқа арналған тұрғын үйлердің нақты санын анықталатынын атап өтті.
Ердоған халық пен мемлекеттің бірлігі арқасында бұл апаттың салдарын жоюға болатынына сенім білдірді.