Шымкент пен Үндістанның астанасы арасында жаңа әуе бағыты ашылады
Жарияланды
![самолет](https://cdn-kz.kursiv.media/wp-content/uploads/2023/04/aircraft-491002_1280-1024x682.jpg)
ҚР ИИДМ Азаматтық авиация комитеті халықаралық рейстер санын ұлғайту және ұшу географиясын кеңейту жөніндегі жұмысты жалғастыруда. Бұл туралы ҚР ИИДМ хабарлады.
Осыған орай алғаш рет Шымкент – Дели – Шымкент жаңа әуе бағыты ашылады.
Рейстерді «Fly Arystan» әуе тасымалдаушысы («Эйр Астана» АҚ компаниялар тобы) 2023 жылғы 22 мамырдан бастап «Airbus-320» үлгісіндегі әуе кемесінде аптасына 2 рет жиілікпен орындайды.
Қазақстан мен Үндістан арасындағы әуе қатынасының ұлғаюы екі ел арасындағы сауда-экономикалық, инвестициялық, іскерлік, туристік және мәдени ынтымақтастықты дамытуға ықпал ететін болады.
Бір жақты билет құны – 51 755 теңгеден басталады.