Қазақстан мен Қытай екіжақты көлік тасымалы туралы келісімді жаңартады
Қазақстан Республикасының Үкіметі мен Қытай Халық Республикасының Үкіметі екі мемлекет арасындағы сыртқы сауда байланыстарын дамыту үшін халықаралық автомобиль тасымалдары саласында сенімді және жоғары тиімді қызметтер көрсетуді ұсынудың маңыздылығын мойындай отырып, халықаралық автомобиль тасымалдары саласындағы ынтымақтастықты тең құқықтылық пен өзара тиімділік негізінде дамытуға, сондай-ақ халықаралық автомобиль тасымалдарын жүзеге асыру туралы жаңа келісім дайындауда.
«Қазақстан мен ҚХР арасындағы автомобиль тасымалдау туралы қолданыстағы келісім 1992 жылы жасалған. Бұл келісімге тасымалдау процесін, сондай-ақ 30 жыл бұрынғы заңнаманы ескере отырып қол қойылды. Сондықтан жаңа келісімде ақпараттық технологияларды енгізу және тасымалдау шарттарын жетілдіру мәселелері қарастырылады», – делінген құжатта.
Тұрақты жолаушылар тасымалдарын Тараптардың құзыретті органдары консультациялар және рұқсаттарды ресімдеу негізінде ұйымдастырады.
Жыл сайын екі Тараптың құзыретті органдары жолаушылар мен жүктерді тұрақты емес тасымалдау үшін тасымалдауға рұқсаттардың келісілген санымен алмасады. Тасымалдауға рұқсаттарды тасымалдаушыларға осы Мемлекеттің құзыретті органы немесе осы құзыретті орган тағайындаған орган береді.
Тараптардың бірінің өтініші бойынша және өзара келісім бойынша жол жүруге арналған рұқсаттардың қосымша саны ауысуы мүмкін.
Рұқсаттарда рұқсат берген органның мөрі және жауапты тұлғаның қолы болуы тиіс. Нысанда берілген рұқсат жауапты тұлғаның электрондық цифрлық қолтаңбасымен расталуы тиіс.
Жол жүруге рұқсатты басқа тасымалдаушыға немесе үшінші тұлғаға пайдалану үшін беруге болмайды.
Жол жүру рұқсатын бір уақытта тек бір көлік құралы пайдалана алады. Рұқсаттардың басқа түрлері өзара келісім бойынша берілуі мүмкін. Рұқсат келесі жылдың 31 қаңтарына дейін жарамды. Тіркемелері немесе жартылай тіркемелері бар аралас көлік құралдары үшін рұқсаттар тартқышқа беріледі.
Тараптар көлік құралы туралы ақпарат берілген рұқсаттар электрондық түрде алдын ала алмасады.
