ЕО: Украинаға 2023 жылы қосымша €13 млрд қажет

Украинаға 2023 жылы елді қалпына келтіру үшін қосымша 13 миллиард еуро қажет, деді Еуропалық Комиссияның вице-президенті Валдис Домбровскис Еуропалық Парламент сессиясында сөйлеген сөзінде.

Оның айтуынша, Украина Ресей Федерациясымен қақтығыс салдарынан зардап шеккен нысандарын қайта құру және қалпына келтіру үшін қосымша көмекке мұқтаж.

«Еуроодақ бұл елге көмек көрсетуді жалғастырады. Украина биылғы жылы қосымша қолдауға мұқтаж. Залалды бағалау және талданған деректер Украинаның 2023 жылға арналған шұғыл қажеттіліктері шамамен 13 миллиард еуроны құрайды», – деді Домбровскис.

ЕО-тың Украинаға 2022 және 2023 жылдардағы макро қаржылық көмегі бүгінгі күні 15 миллиард еуроға жақындағаны атап өтілді.