«5-10-20» тұрғын үй несиелік бағдарламасы бойынша өтінімдер қабылданады
![](https://kz.kursiv.media/wp-content/uploads/2022/01/old-image-77418.jpg)
«Отбасы банк» АҚ Тұрғын үй-коммуналдық инфрақұрылымды дамытудың 2026 жылға дейінгі тұжырымдамасы шеңберінде «Жылдық 5%-дан аспайтын сыйақы мөлшерлемесі бойынша алдын ала немесе аралық тұрғын үй қарыздарды беру арқылы әлеуметтік кредиттік тұрғын үйді сату» бағытына қатысуға өтінімдер қабылдау басталатынын хабарлайды. Бұл туралы Шымкент қаласы әкімінің баспасөз қызметі мәлімдеді.
Конкурстық пәтерлер Шымкент қаласы,»Тұран» шағын ауданы 9 қабатты №9,13,14,15,16,17,18,19,20,21 тұрғын үйлерде орналасқан.
1 ш. м. тұрғын үйдің құны: 200 000 теңге, «таза» әрлеуде.
Жайлылық класы: 3
Пәтерлер саны: 540
Пәтер түрі 1: 180 – пәтер, максималды ауданы 49,35 ш. м.,
Пәтер түрі 2: 180 – пәтер, максималды ауданы 66,07 ш. м.,
Пәтер түрі 3: 180 – пәтер, максималды ауданы 82,00 ш. м..
Қатысуға өтініштерді қабылдау мерзімі: 07.09.2023 ж. бастап 28.09.2023 жылға дейін.
Сатып алушылардың тізімдерін қалыптастыру (Үміткерлерді іріктеу) күні: 29.09.2023 жыл.
Қатысушыларды іріктеу есепке қою күні бойынша жүзеге асырылады.
Пулға қатысу туралы өтінішті Otbasybank.kz. жылжымайтын мүлік порталында беруге болады.
Өтініштер тұрғын үй кезегінде тұрған Банк салымшыларынан ғана қабылданады.
Несие рәсімдеу кезінде салымшының жинақ шотында қарыз сомасының кемінде 10% мөлшерінде тұрғын үй құрылыс жинақтары болған кезде мүмкін болады.
Берілген өтініштерді пулға/тікелей сатуға бөлу шарттарымен, өтініш берушілерге қойылатын талаптармен, құрылыс объектісінің сипаттамасымен, оның ішінде ғимараттың қасбеттерінің фотосуреттерін және тұрғын үйдің орналасуын Otbasybank.kz жылжымайтын мүлік порталынан көруге болады.
Қосымша сұрақтар туындаған жағдайда, Банктің Байланыс орталығына келесі нөмір бойынша хабарласуыңызды сұраймыз: 300 (ұялы телефоннан тегін).
Шымкент қаласы әкімінің баспасөз қызметі