Әлемдік туризм COVID -19 пандемиясынан кейін қалпына келді

Әлемдік туристік сектор коронавирустық пандемиядан тез қалпына келуді жалғастыруда. 2023 жылдың басында халықаралық сапарларға шыққан туристер саны 700 миллионға жетті.Бұл туралы Анадолу сайты хабарлады.

UNWTO және Дүниежүзілік саяхат және туризм кеңесінің (WTTC) есептерінің ақпаратына сәйкес, 2023 жылдың қаңтар-шілде айларында әлемдік туризм Ковид-19-ға дейінгі деңгейдің 84%-на жетті. Таяу Шығыста, Еуропада және Африкада саяхатшылар саны қайтадан өсе бастады.

UNWTO ай сайын дайындайтын «туристік барометрдің» мәліметтері бойынша, 2023 жылдың алғашқы 7 айында 700 миллионға жуық адам халықаралық сапарларға шықты. Биылғы жылы саяхатшылар саны 2022 жылдың сәйкес кезеңімен салыстырғанда 43% – ға өсті.

2023 жылдың ең қарбалас айы 145 миллион халықаралық саяхатшыны тіркеген шілде айы болды. Бұл сан 2023 жылы қабылданған туристердің жалпы санының шамамен бестен біріне сәйкес келеді.

Осы жылдың басынан бастап Таяу Шығыс туристер саны ең көп аймақ болып табылады. Осы аймақтың елдеріне баратын туристер саны 20%-ға артып, Ковид-19 алдындағы кезеңде байқалған деңгейден асып түсті.

Сонымен қатар, Таяу Шығыс 2019 жылы туристер санынан асып түскен жалғыз аймақ болды.