Швейцария Қазақстанды банктік ақпаратпен автоматты түрде алмасатын елдер тізіміне қосты
фото: kursiv.media
Швейцария банктік баспана сынына байланысты салық төлеуден жалтаруға қарсы күресті күшейтіп жатыр. Ел активтер туралы мәліметтерді жариялап, биылғы жылы Банктік ақпаратпен автоматты түрде алмасу үшін 100-ден астам мемлекеттің тізіміне Қазақстан, Мальдив және Оманды қосты. Бұл жайлы Швейцарияның федералды салық басқармасы хабарлады.
Швейцария елдің салық төлеуден жалтаруға қарсы халықаралық міндеттемелерін негізге ала отырып, қаржылық активтер туралы ақпарат алмасатын елдер санын көбейтті. Тізімде Қазақстан да бар:
дереккөз: www.sif.admin.ch
Швейцария билігі биылғы жылы Банктік ақпаратпен автоматты түрде алмасу үшін Қазақстан, Мальдив және Оман елдерін қатарға қосқан. Қызмет көрсетілетін шоттардың жалпы саны биыл 3,6 миллионға дейін өсті, ал 2022 жылғы 3,4 миллион болған. Қазір швейцариялықтар деректерді әлемнің жартысынан көбіне жеткізіп жатыр.
Швейцарияның федералды салық басқармасы Ресейге ешқандай ақпарат түспегенін айтты. Өйткені, олар өткен жылы Ресейдің Украинаға басып кіргенінде, Еуропалық Одақтың Ресейге қарсы санкциялары басталғаннан кейін айырбастауды тоқтатты.
Соңғы жылдары Швейцария қатаң банктік құпия тәжірибесін жұқартып жібергендей. Ел 2014 жылы ЭЫДҰ-ның банктік ақпарат алмасу туралы келісіміне қосылды. Үш жылдан кейін келесі заң қабылданып, швейцариялық деректермен бөлісетін елдерінің саны күрт өсті.
Қазір Швейцариядағы 9000-ға жуық банктер, сақтандырушылар, трасттар және басқа қаржы институттары автоматты түрде басқа штаттарға беретін ақпаратты ұсынады. Жиналған мәліметтер қатарына шот иесінің аты-жөні мен тұрғылықты жері, сондай-ақ баланс пен капитал кірісі кіреді.
Естеріңізге сала кетейік, Қазақстанда заңсыз шығарылған активтерді қайтарумен айналысатын «Қайтарылған активтерді басқару компаниясы» ЖШС құрылған еді. Оның жарғылық капиталы 100 пайыз мемлекетке тиесілі болатынын жазғанбыз. Мысалы, Қайрат Боранбаевтан тәркіленген мүліктерге компания басшылық ететін болады. Бұл туралы вице-премьер, Қаржы министрі Ерұлан Жамаубаев кезінде мәлім еткен.
Мемлекетке қайтарылған активтерді «Қайтарылған активтерді басқару компаниясы» басқарады. Жақында Қаржы министрлігі осы активтерді басқару тәртібін бекітті. Ережеде негізгі 6 тәсіл анықталған. Олардың арасында мүлікті жалға беру де бар.
Активтерді сатудан түскен ақша, қаржы түсімдері Қазақстан Республикасының әлеуметтік, экономикалық жобаларын қаржыландыруға жұмсалмақ. Қаржының бәрі Арнайы мемлекет қолма-қол ақшаны бақылау шотына түседі. Оған түскен қаржы мен жұмсалған ақшаны қазынашылық басқармасы қадағалап отырады.
Президент Қасым-Жомарт Тоқаев Заңсыз иемденген активтерді елімізді дамыту үшін пайдаланамыз» деген болатын.
Мамыр айының ортасында бас прокурор Берік Асылов Қазақстаннан заңсыз шығарылған 760 миллиард теңгенің елге қайтарылғанын хабарлады.
Жақында Үкімет басшысы Әлихан Смайылов «Заңсыз иемденілген активтерді мемлекетке қайтару туралы» заң адал инвесторларға әсер етпейді деп мәлімдеді.
