Джо Байден Израиль мен ХАМАС арасындағы бітімгершілікті ұзартуға үміт артады

АҚШ президенті Джо Байден Израиль мен Хамастың уақытша атысты тоқтату туралы шешімін қолдауға шақырды. Бұл туралы Ақ үй баспасөз қызметі хабарлады.

Джо Байден болашақта АҚШ «Таяу Шығыстағы зорлық-зомбылық циклына» нүкте қоюы тиіс екенін атап өтті.

«Біз израильдіктер мен палестиналықтардың тең бостандық пен қадір-қасиетке ие екі мемлекет туралы келісім аясында өмір сүре алатын шешімге ұмтылудағы жігерімізді растауымыз керек. Екі халыққа – екі мемлекет. Бұл қазір бұрынғыдан да маңызды», – деді Байден.

АҚШ басшысы екі себеп бойынша соғыс қимылдарын тоқтата тұруды дәйекті түрде талап еткенін айтты: Газаға гуманитарлық көмекті кеңейту және кепілге алынғандарды босатуға көмектесу.

Соңғы бірнеше аптада Джо Байден уақытша атысты тоқтату үшін Катар әмірімен, Египет Президентімен және Израиль премьер-министрімен бірнеше рет сөйлесті. АҚШ президенті осы мақсатқа жетудегі серіктестігі үшін барлық үш көшбасшыға алғысын білдірді.