2023 жылдың желтоқсан айында іскерлік белсенділік индексі 48,7-ге дейін төмендеді
![](https://cdn-kz.kursiv.media/wp-content/uploads/2024/01/bez-nazvaniya-53.jpg)
ҚР Ұлттық Банкі 2023 жылдың желтоқсан айында іскерлік белсенділік индексі 49,0-ден 48,7-ге дейін төмендеді деп хабарлады.
«Индекстің динамикасына тау-кен өнеркәсібі мен қызмет көрсету секторындағы көрсеткіштің төмендеуі әсер етті. Бұл секторларда барлық құрауыштың төмендегені байқалды. Тиісінше, индекстер 46,8 және 47,8 (қарашада – 47,2 және 48,4) болды. Тау-кен өндіру өнеркәсібінде, әсіресе, жаңа тапсырыстар көлемі азайды»-делінген хабарламада.
Айта кетейік, іскерлік белсенділік өндіріс пен құрылыста жақсарғанын байқалады. Мұнда көрсеткіштер тиісінше 51,8 (қарашада – 51,4) және 50,2 (қарашада – 50,3) болды. Құрылыс пен өндірісте жеткізілім мерзімінен басқа барлық құрауыштар жақсарды.
![](https://nationalbank.kz/get-file/source/uploads/%D0%9F%D0%BB%D0%B0%D1%82%D0%B5%D0%B6%D0%BD%D1%8B%D0%B5%20%D1%81%D0%B8%D1%81%D1%82%D0%B5%D0%BC%D1%8B/777.png)
ҚР Ұлттық Банктің хабарлауынша, қазіргі және болашақ бизнес жағдайларды бағалау көрсеткіші айтарлықтай өзгерген жоқ. Қазіргі және болашақ бизнес жағдайлардың орташа бағалауын білдіретін бизнес-ахуал индексі 7,7 болды (2023 жылғы қарашада – 7,0).
Айта кетейік, 2023 жылдың қараша айында іскерлік белсенділік индексі 49-ға төмендеді деп хабарладық.