Halyk Bank 2013 жылдан бері кепілде тұрған «Қазақстан» шипажайынан айырылды
Алматы экономикалық сотының шешімімен Halyk Bank кепілде тұрған «Қазақстан» шипажайынан заңды түрде айырылды. Бұл туралы Алматы прокуратурасы хабарлады .
Қадағалау ведомствосында прокурорлар кепіл туралы мәмілені жарамсыз деп тануға, сондай-ақ санаторийдің банк алдындағы борышын 1,2 млрд теңгеге төмендетуге қол жеткізгенін атап өтті.
Прокуратураның хабарлауынша, 2013 жылы «Қазақстан» шипажайының директоры Қазыбек Сұлтан шипажайдың барлық мүлкін кепілге қойып, кірісін жасанды түрде арттырып, ғимараттарды жөндеу үшін Halyk Bank-тен 2,6 млрд теңгеге несие алған.
2020 жылы ақша мақсатсыз жұмсалғаны белгілі болды. Қазыбек Сұлтан түрлі қаржылық схемаларды қолдана отырып, жалған кәсіпорындар арқылы қолма-қол ақша алған. 700 млн теңгеден астам қаржыны жымқырғаны үшін 2021 жылы директор мен оның үш орынбасары түрлі мерзімге бас бостандығынан айырылды. Қазыбек Сұлтанның өзі 10 жылға темір торға тоғытылды.
Банк міндеттемелердің орындалмауына байланысты шипажайдан қарызды өндіріп алу үшін сотқа жүгінді. Нәтижесінде 2022 жылы сот шипажайдан 3 млрд теңгені өндіріп алды. Прокуратураның апелляциялық шағымы бойынша бірінші сатыдағы соттың шешімі өзгертілді. Бұл сома 1,8 млрд теңгеге дейін қысқартылды.
Сондай-ақ прокуратура несие беру кезінде банк санаторийдің төлем қабілеттілігіне талдау жүргізбегенін анықтады. Сотқа кепіл шартының күшін жоюды талап етіп жүгінді. 2023 жылдың желтоқсанында прокурорлар өз мақсаттарына жетті: сот келісімшартты жарамсыз деп тапты.
«Осылайша, құны 7 млрд теңгеден асатын мемлекеттік шипажай заңсыз кепілден шығарылды. Сондай-ақ оның қарызы 1,2 млрд теңгеге төмендеді»,– делінген прокуратура хабарламасында.
Қадағалау ведомствосында прокурорлар мемлекетке «Қазақстан» шипажайының қайтарғанын атап өтті. Ол 2013 жылдан бастап банкте кепілде болған.
Естеріңізге сала кетейік, «Қазақстан» шипажайы Алматыда 1985 жылы «ҚазКСР ІІМ «Қазақстан» шипажайы ретінде ашылған болатын. 1999 жылдың наурыз айынан бастап ҚР ІІМ «Қазақстан «емдеу кешені» РМҚК ІІМ санаторийі мен госпиталінің бірлестігі болды. 2004 жылдан бастап, кешен «Қазақстан» шипажайы » АҚ болып қайта құрылды. Соттың 2023 жылғы шешімінде «Қазақстан шипажайы» АҚ акцияларының 100% ұстаушысы жалғыз акционер — Қазақстанның ішкі істер министрлігі болып табылатыны көрсетілген.
EGov-та «Қазақстан «шипажайы» АҚ 2004 жылы тіркелгені көрсетілген. Оның бірінші басшысы-Нұрсұлтан Иманбердиев.
