Қатарлық инвестормен газ саласындағы жобалар бойынша мәміле шарттары екі ай ішінде анықталады
![тауарлық газ бағасын](https://kz.kursiv.media/wp-content/uploads/2022/01/old-image-60909-1.jpg)
2024 жылғы 1 наурызда Астанада Энергетика министрлігінде Қатарлық Power International Holding UCC Holding компаниясының қатысуымен жиналыс өтті. Іс-шара газ саласындағы жобаларды іске асыру мәселелеріне негізделді.
Жиын Мемлекет басшысының 2024 жылғы 13-14 ақпандағы Қатарға мемлекеттік сапары аясында өтті. Сол тұста QazaqGaz Power International Holding UCC Holding-пен келесі жобаларды бірлесіп жүзеге асырудың негізгі коммерциялық шарттарын көрсететін мәмілелердің негізгі бағыттары бойынша міндетті келісімдерге қол қойды.
Оның ішінде «Қашаған» кен орнында 1 млрд текше метр газ өңдеу зауытының құрылысы бар. Сонымен қатар «Қашаған» кен орнында қуаты 2,5 млрд текше метр газ өңдеу зауытын салу жұмыстары. Бұған қоса жаңа КС-14 компрессорлық станциясының және «КС-14-Қостанай» магистральдық газ құбырының құрылысы бар. Сонымен қатар «Бейнеу – Бозой – Шымкент» магистральдық газ құбырының екінші желісін салу мәселесін атап өту керек.
Естеріңізге сала кетсек, бұл келісімдер Қазақстанның газ саласын дамытуға ықпал ететін жобаларды жүзеге асыруға бағытталған.
Ақтөбе және Қостанай облыстарында «КС-14 – Қостанай» магистральды газ құбырын салу жобасының стратегиялық маңызы бар және Қостанай облысындағы елдімекендерді де, ірі инвестициялық жобаларды да газдандыруға бағытталған.
«Бейнеу-Бозой-Шымкент» газ құбырының екінші желісін салу жобасы Қазақстанның оңтүстік және орталық аймақтарын газбен қамтамасыз ететін маңызды газ артериясы болып табылады. «Қашағанда» газ өңдеу зауыттарын салу еліміздегі тауарлық газдың өңдеу қуаты мен ресурстық базасын ұлғайтуға мүмкіндік береді.
Қазақстан Президенті 13 ақпанда Катарға мемлекеттік сапармен барған еді.
Мемлекет басшысы екі ел арасындағы экономикалық қатынастарды дамытуға тұрақты қолдау көрсетіп келе жатқаны үшін Қатар Үкіметі мен Қатар кәсіпкерлері қауымдастығына алғыс айтты.
Иран Ресей, Түрікменстан және Қатардың қатысуымен газ хабын құрады. Қазақстандық компаниялар Қатар нарығына шығуға мүдделі.