Google пайдасы екі есе өскеннен кейін тоқсан сайын дивидендтер төлеуге уәде берді
![](https://kz.kursiv.media/wp-content/uploads/2024/04/pawel-czerwinski-fpzzev0uqwa-unsplash-1024x683.jpg)
Google компаниясына иелік ететін Alphabet тоқсандық пайдасы екі есе өскеннен кейін тоқсан сайын дивидендтер төлеуге уәде берді.
Google компаниясы 2024 жылдың алғашқы үш айындағы кірістер туралы есеп беріп, өткен жылмен салыстырғанда 15% өсіп, 80,5 млрд долларға жеткен. Alphabet-тің тоқсандағы таза кірісі 57% өсіп, 23,7 млрд долларға жеткен.
Бірінші тоқсандағы жарнама сатылымы өткен жылдың сәйкес кезеңімен салыстырғанда 13% өсті және 61,7 млрд долларды құрады.
Осы жоғары нәтижелерге сүйене отырып, Alphabet өз тарихында бір акцияға тоқсан сайын дивиденд төлейтінін жариялады. Alphabet директорлар кеңесі мақұлдаған жағдайда тоқсан сайынғы ақшалай дивидендтер төлеуді жоспарлап отыр. Директорлар кеңесі сонымен қатар өткен жылдағыдай 70 миллиард доллар акцияларды сатып алуға рұқсат берді. Бұл бейсенбіде постмаркетте 11,48% өсіп, 176,08 долларға дейін өскен акциялар бағасына серпін болды.
ЖИ инвестициялар
The Wall Street ақпаратына сүйенсек, инвесторлар компаниялардың генеративті жасанды интеллектке инвестиция салудан пайда табатындығын мұқият қадағалайды. Google өзінің бизнес-моделін қорғау қабілеті туралы үнемі ізденіс үстінде. Олар негізінен іздеу жарнамаларына сүйенеді. Қазір көптеген адамдар іздеу сервисіне емес, чат-боттарға жүгінеді.
Инвесторлардың жасанды интеллект шығындары туралы алаңдаушылығы Мeta Platforms сәрсенбіде биылғы жылы кем дегенде 5 млрд доллар қосымша күрделі шығындар күтетінін хабарлаған. Сонымен қатар, Meta бірінші тоқсанда кірістің рекордтық өсуі туралы хабарлады. Meta бас директоры Марк Цукерберг сәрсенбіде компанияның жасанды интеллект қызметтері жылдар бойы тиімді болады деп күтпейтінін айтты.
Google соңғы 18 айда Microsoft бәсекелесімен және оның серіктесі OpenAI-мен AI жарысында көшбасшылық үшін күресті. Ал Мeta жарнамадан түсетін пайданы арттыру үшін AI қолданды.
Жарнамадан түскен пайда
YouTube жарнамасының жыл сайынғы өсуі жеделдеді – 21%, бейне платформа жарнама сатылымынан 8,1 млрд долларға жетті.
Bloomberg жазуынша, Google іздеу жүйесіндегі жарнама сатылымы 14% өсіп, 46,2 млрд долларға жетті. Бұл Alphabet-тің бизнесінің өзегі боп қала береді.
«Google-дің негізгі іздеу бизнесі де жақсы нәтиже көрсетті, бірақ оның болашағына кепілдік берілмейді. Келесі тоқсанда АҚШ Әділет министрлігі монополияға қарсы іс бойынша үкім шығарады деп күтілуде және жасанды интеллект жасаған компоненттерді Google-дің негізгі іздеу интерфейсіне қосу іздеу жарнамасы нарығындағы ең үлкен өзгеріс болуы мүмкін» , — деді Вloomberg талдаушысы Эвелин Митчелл-Вулф.
Google іздеу чатботтардың жарнамасы биылғы болжам бойынша 200 млрд доллар табыс әкелуі тиіс.