Нұрлан Смағұлов Қытай автомобильдерінің бағасы не себепті өскенін түсіндірді
Қытай автомобильдерінің бағасы көтеріледі. Бұл туралы «Курсивке» Auto China 2024 көрмесінде Astana Motors компаниясының басшысы Нұрлан Смағұлов айтты.
«Соңғы уақытта Қазақстандағы бағалар дистрибьюторлардың, оның ішінде біздің компанияның арқасында төмендеді. Себебі біз үлкен кезектік пайда болғанын көріп, 2023 жылы шыққан көліктерді саттық. Бұл Қазақстандағы кез келген бренд үшін жаппай сатылым жасау маусымы. 2024 жылғы өнімге баға төмендемейді, олар тұрақтандырылады», – деді Нұрлан Смағұлов.
Оның айтуынша, бағалар төмендей алмайды. Себебі көптеген технологиялық шешімдер пайда болып, жыл сайын күрделене түседі және машиналарды құрастыру мен әрлеу қымбаттайды.
Бейжіңде 25 сәуірден 4 мамырға дейін AUTO China 2024 көрмесі өтеді. Көптеген сарапшылар қазірдің өзінде автошоуды Женева, Франкфурт, Нью-Йорк немесе Детройттағы еуропалық халықаралық автосалондардың аналогы деп атады. Әлемдік жетекші өндірушілер өз жаңалықтарын ұсынды. Қытайлық автошоуда 117 премьер және 278 электромобиль бар. Astana Motors басшысы Нұрлан Смағұлов бұл көрме қазақстандық тұтынушыға не беретінін айтты.
«Бұл моторшоудың маңызы сол – мұндағы жаңалықтар Қытай үшін емес, олар бүкіл әлемге бір мезгілде, оның ішінде Қазақстан үшін де ұсынылады. Яғни біз барлығымен бір мезгілде Қытайда жасалған автомобиль өнімдерін аламыз», – деді ол.
Қытайлық автомобиль өндіруші Geely Automobile Auto China 2024 көрмесінде GEA (Global Intelligent New Energy Architecture) архитектурасына негізделген технологиялары бар жаңа флагмандық Starship жол талғамайтын көлігін ұсынады.
Қытайдың электромобиль өндірісі нарығындағы қарқыны әлем елдерін таң қалдырып отыр. Олар автомобиль жасауды өте қысқа мерзімде жүзеге асырып, интеллектуалдық технологиялар шекарасын тым кеңейтіп жіберді және сол арқылы тұтынушыларға таңдау мүмкіндігін молынан ұсынды. Олар ондаған жыл бойы әбден қалыптасып, жолға қойылған іштен жану қозғалтқышына негізделген өндірушілерді жылдам басып озды.
