Энергетика министрлігі Қазақстандағы сағат белдеуінің өзгеруі энергия тұтынуға қаншалықты әсер еткенін түсіндірді
![](https://kz.kursiv.media/wp-content/uploads/2024/06/22-4-1024x576.webp)
Бірыңғай уақыт белдеуіне көшкеннен кейін Қазақстанда электр энергиясын тұтыну 1-2%-ға өсті, деп хабарлады ҚР Энергетика вице-министрі Сұңғат Есімханов. Оның айтуынша, мұндай алдын ала мәліметтерді «KEGOC» электр желілері компаниясы ұсынған.
«Министрлік өлшей алмайды. Тасымалдау алдында жүйелік оператор тексерілді (уақыт – редактордың ескертпесі). Олардың мәліметі бойынша, тұтыну және шарықтау кезеңінде шамамен диапазон 1-2%-ға өзгерді. Олар дәлірек сандарды береді. Біздегі мәлімет бойынша, сағат ауысуына байланысты тұтыну өсті деген сөз жоқ», – деді Есімханов Сенаттың жалпы отырысында.
Ол кешкі уақытта тапшы болғанына қарамастан, жалпы ел электр қуатымен қамтамасыз етілгенін атап өтті. Сонымен бірге, оның айтуынша, министрлікке энергия тұтыну көлемінің артуына қатысты ешқандай шағымдар мен өтініштер түспеген.
1 наурызда батыс аймақтан бөлек елімізде уақыт белдеуі ауысты. Үкімет сағатты артқа жылжыту себебін табиғи дұрыс уақыт белдеуіне көшумен түсіндірді. Әу бастан бұған Шығыс Қазақстан облысының тұрғындарының наразы екені айтылды. Сағат белдеуінің өзгеруі кей облыста әлі күнге талқылануда.
Қазақстандықтар бұрынғы сағат белдеуіне көшуді талап етіп, петиция жариялады. Сауда және интеграция вице-министрі Қайрат Төребаев уақыт белдеуін қайта ауыстыру мәселесі петиция нәтижесінен кейін белгілі болатынын жеткізді.
Қаңтар айында KEGOC АҚ басқарма төрағасы Нәби Айтжановтың ел азаматтары таңғы және кешкі уақытта электр қуатын бұрынғыдан көбірек тұтынатынын айтқан еді.
«Бірыңғай уақыт белдеуі енгізілуіне байланысты міндетті түрде электр қуатын тұтыну көлемі ұлғаяды. Тұтастай алғанда 1 сағат уақыт біздің жүйеге салмақ салмайды. Энергетика жүйесіне алаңдауға негіз жоқ. Электр қуатын тұтыну шығыны айтарлықтай өспейді, шамалы ғана болады. Электр қуатын тұтыну көрсеткіші қарбалас уақытта ғана, яғни таңғы және кешкі уақытта ғана ұлғаяды», – дегенеді Нәби Айтжанов журналистерге арналған брифингте.