Теңге құнсызданды: валюта бағамына қандай факторлар ықпал етті?
Биржада теңге бағамы 1,6%-ға құнсызданды. Бұл 2023 жылдың тамызынан бері жоғары көрсеткіш.
Қазақстан қор биржасында (KASE) 2024 жылғы 18 маусымда сағат 17:00-де доллардың орташа сараланған бағамы 458,15 теңге болды. 17 маусымда сағат 17:00-дегі (1 доллар үшін 453,06) көрсеткішпен салыстырғанда ұлттық валюта долларға шаққандағы бағамы 5,09 теңгеге әлсіреді.
KASE ақпаратына сәйкес, аукционда доллардың төменгі бағамы– 454,40 теңге, максималды – 461,18 теңге, жабылу курсы – 460,00 теңге болды. АҚШ валютасындағы сауда көлемі 219 млн 144 мың долларды құрады.
Валюталық операциялар бойынша транзакциялар саны – 786. Сағат 15:30-да орташа сараланған бағам 457,98 теңге деңгейінде болды. kurs.kz хабарлағандай, в
Елорданың айырбастау пункттерінде АҚШ валютасын сатудың максималды бағамы 17:05-те 462 теңге, Алматыда – 462,1 теңге болды.
Ұлттық банктің 18 маусымдағы бағамы 1 долларға 452,92 теңге. 19 маусымда ресми бағамды анықтаудың қолданыстағы тәртібі бойынша 1 доллар үшін 457,98 теңге болады.
TENGENOMIKA телеграм-арнасының авторы экономист Ғалымжан Айтқазин бағамның құнсыздану себебін түсіндірді.
«Теңге бағамының қазіргі серпіні Ұлттық қордан аударылатын трансферттер көлемінің төмендеуімен ғана емес (биржада шетел валютасы сатылып, теңгеге сұраныс өскен кезде) және маусымдық фактормен (импортқа сұраныстың артуы) түсіндіріледі. Бірақ айырбас бағамының бұрынғы нығаюын ескеру маңызды. Сондықтан ішкі факторлардың әсерінен валюта бағамының теңгерімсіздігінің жинақталуы өте қауіпті, бұл қазіргідей күрт құлдырауға алып келуі мүмкін. Ұлттық қордан трансферттерді қысқарту, жазғы қалыпты сұраныс және көктемгі бірқатар факторлар бар. Сондықтан біз шұғыл түрде бюджеттік мөлшерлемеге оралдық», – деп жазды сарапшы.
Еске сала кетсек, 11 маусымда Қазақстан қаржыгерлер қауымдастығы мұнай бағасының төмендеуі валюта бағамы мен ел экономикасына қысым жасауы мүмкін, деп мәлімдеген.
