Boeing акциялары қымбаттап, компания дағдарыстан біртіндеп шыға бастады – Bloomberg
Boeing шілде айында коммерциялық ұшақтар өндірісінің бір жыл бұрынғы көрсеткішімен салыстыруға тұрарлық деңгейге көтерілді. Былтырғы нәтиже Boeing үшін тым нашар болса да, дәл қазір сол деңгейдің қайталануы компанияның турбулентті кезеңдерден кейін біртіндеп қалпына келе бастағанын көрсетеді деп есептейді Bloomberg. Boeing акциялары 13 тамыздағы сауда-саттық қорытындысы бойынша 2,8%-ға қымбаттады.
Толығырақ
Boeing шілдеде 43 коммерциялық ұшақты жеткізді. Бұл маусым айындағы көрсеткіштен бір ұшаққа аз. Дегенмен аталған көрсеткіш 2023 жылдың шілдесіндегі деңгеймен бірдей. Бұл туралы компанияның веб-сайтында жазылған. Ең танымалы 737 модель (32 ұшақ) болып отыр. Сонымен қатар компания алты кеңфюзеляжді 787 Dreamliner ұшағын шығарды. Салыстырмалы түрде қарастырсақ, Boeing-тің басты бәсекелесі Airbus өткен айда 77 коммерциялық ұшақ жеткізді.
Boeing жеткізілімдерін тұрақтандыру компанияның өз тарихындағы ең қиын кезеңдердің бірін біртіндеп еңсеріп жатқанын көрсетуі мүмкін, деп санайды Bloomberg. Өткен жылғы шілденің нәтижесі компания үшін әдеттен тыс төмен болғанын атап өткен жөн. Бұл жеткізушілердің ереуілдері мен логистикалық мәселелерге байланысты деп хабарлады агенттік.
Статистиканы жариялануы Boeing акцияларының 13 тамыздағы сауда-саттық нәтижелерін 2,82% өсуіне жол ашты. 2024 жылдың басындағы жағдаймен салыстырғанда, қағаздар 35%-ға арзан екенін атап өткен жөн.
Контекст
Boeing-тің басындағы қиындықтар қаңтар айында жаңа 737 Max 9 ұшағының есігі жұлынып қалғаннан кейін басталды. Бұл жағдай өндірістің төмендеуіне әкеліп соқтырған. Тергеу оқиғаның себебін қажетті бекіту болттарының болмағандығымен түсіндірді.
Апаттан кейін АҚШ-тың Федералды авиация басқармасы (FAA) 737 Max өндірісін айына 38 ұшақтан асырмау туралы шектеу енгізді. Қазір Boeing 737 Max-ті рұқсат етілгеннен де аз өндіреді және 2024 жылдың соңына дейін шектік деңгейге жетуді көздеп отыр. Компания тексеру сапасын жақсартып, жеткізушілер тарапынан сапаға қатысты айтылған кемшіліктерді шешу және қызметкерлерді қайта даярлау үшін құрастыру желілерін баяулатты. 737 Max шығарылымының ұлғаюы компанияның екінші жартыжылдықтағы қаржылық жағдайын жақсарту тұрғысынан өте маңызды, деп есептейді Bloomberg. Компания биыл ай сайын 1 млрд доллардан астам шығынға ұшырады және жағдайдың жақсаруынан аса бір үмітті де емес.
Boeing-тің жаңа ғарыш кемесі Starliner де қиындықтарға тап болды. Компания ғарышкерлерді Халықаралық ғарыш станциясына жеткізгенімен, гелийдің ағып кетуінен және қозғалтқыштарға қатысты проблемаларға мен байланысты оларды қайтара алмай отыр.
Акциялардың жайы
MarketWatch мәліметтері бойынша, авиакомпания акцияларын бақылайтын 29 сарапшының 17-сі оларды сатып алуға кеңес береді (Buy және Overweight рейтингтері), 10-ы ұстап тұруды ұсынды (Hold) және екеуі сатып жіберген дұрыс деп санайды (Underweight және Sell). Boeing акцияларының бағасы бойынша Уолл-стриттің ортақ болжамы 216,44 долларға тең, бұл 28%-дық өсімді білдіреді.
