2025 жылдан бастап Украина Ресейдің мұнайы мен газын ЕО-қа тасымалдауды тоқтатады, бірақ басқа елдерден жеткізуге дайын
![](https://cdn-kz.kursiv.media/wp-content/uploads/2024/08/shutterstock_2462764465-1024x683.jpg)
Бұл туралы президент кеңсесі басшысының кеңесшісі Михаил Подоляк «Новости. Live» телеарнасының эфирінде мәлімдеді, деп жазады ctrana.news.
«Ортаазиялық елдерден, мысалы, транзиттік газ келетін болса. Сонымен қатар, 2025 жылдың 1 қаңтарынан бастап Словакия, Чехия және Венгрия секілді елдерге Ресей мұнайын жеткізетін «Дружба» мұнай құбырының жұмысы тоқтайды. ЕО-тың бұл елдер мұнай жеткізілімдерін әртараптандыру мүмкіндіктерін табуы және Украина арқылы Ресей мұнайын транзиттеуді тоқтатуы керек деген қарары болды. Бұл сондай-ақ газға да қатысты», – деді Подоляк.
Ол 2025 жылдың 1 қаңтарында аяқталатын қазіргі келісімшарттарды «қазір екі елдің қандай жағдайда екеніне қарамастан» Украина біржақты түрде бұзбағанын айтты.
«Бірақ сөзсіз, 2025 жылдың 1 қаңтарынан бастап мұның бәрі тоқтайды. Егер Еуропаның кез келген елі Қазақстан немесе Әзербайжан газын алу қажет деп есептесе, егер тиісті логистика, құқықтық негіз және келісімшарттар болса Украина оны транзитке дайын», – дейді Ермактың кеңесшісі.
Естеріңізге сала кетейік, жақында Зеленский «Басқа компаниялардан газ транзитіне келетін болсақ, егер кейбір еуропалық әріптестеріміздің сұранысы жалғасатын болса, олардың өтінішін қарастырамыз», деген еді.
Бұған дейін БАҚ-ы Украина мен Ресей Курск облысындағы шайқастарға қарамастан, Ресей газының ЕО-ға транзитін сақтайды, деп жазған еді.
Айта кетейік, бұған дейін итальяндық Eni «Дружба» құбыры арқылы Қарашығанақ мұнайын Германияға тасымалдауды бастағанын хабарладық.