Алматыда жөндеуге байланысты ҮАК бойындағы көше учаскелері бірнеше күнге жабылады

Үлкен Алматы каналы бойындағы көше учаскелеріне орташа жөндеу жүргізуге байланысты қозғалысқа уақытша шектеулер енгізіледі деп хабарлайды қала әкімдігі.

Әкімдіктің мәліметінше, 31 тамызда сағат 23.00-ден 2 қыркүйекте сағат 11.00-ге дейін Саин даңғылынан Центральная көшесіне дейінгі учаскеде қозғалыс жабылады.
Айналма жол дублер және Жаужүрек, Центральная, Ақ-қайнар көшелерімен қамтамасыз етіледі.

1 қыркүйек сағат 23:00-ден 11:00-ге дейін 3 қыркүйекте қозғалыс Центральная көшесінен Махамбет Өтемісұлы көшесіне дейінгі учаскеде жабылады.

2 қыркүйекте  сағат 23.00-ден 11.00-ге дейін 4 қыркүйекте Өтемісұлы көшесінен Бәйдібек би көшесіне дейінгі учаскеде қозғалыс жабылады.

3 қыркүйекте сағат 23.00-ден 11.00-ге дейін 5 қыркүйекте қозғалыс Бәйдібек би көшесінен Солтүстік айналма көшесіне дейінгі учаскеде жабылады.

«Жөнделетін учаскелерде ескерту белгілері, мердігер ұйым басшысының байланыс ақпараты бар стендтер қойылады.  Бағыттарды алдын ала жоспарлауды сұраймыз»,  –делінген хабарламада.