Білім күні: 87 мың оқушы жаңа мектептерде оқу жылын қарсы алуда
1 қыркүйек – Білім күні Оқу-ағарту министрлігі кейбір статистикалық мәліметтерді жариялады.
Министрлік мәлімет бойынша қыркүйек айынан бастап мектепке дейінгі ұйымдарда ата-аналарға арналған 3,5 мың кеңес беру пункті өз жұмысын бастайды.
Колледждерде оқитын 300 мыңнан астам студенттің шәкіртақысы 50%-ға артты. 1,7 млн оқушы мектептерде тегін тамақтанады.
87 мың оқушы жаңа мектептерге барды. Жалпы 2024-2025 оқу жылы 536 мың оқушыға арналған 302 мектеп пайдалануға беріледі.
«Оқу бағдарламасына буллингке қарсы іс-шаралардың бірі – «Қауіпіздік сабағы» на енгізілуде. Мұның барлығы отандық білімнің сапасын арттыруға, балалар үшін жайлы әрі қауіпсіз орта құруға бағытталған», – деп хабарлады ведмство.
2023-2024 оқу жылын 3,8 млн-нан астам оқушы аяқтады. Сәуірде Оқу-ағарту министрлігі биыл Қазақстанның барлық мектебінде соңғы қоңырау соғылмайтынын хабарлады.
Қазақстанда 2024-2025 оқу жылында мектеп оқушылары 34 апта білім алады. Оқу жылы 2024 жылғы 1 қыркүйектен – 2025 жылғы 25 мамырға дейін жалғасады.
