Қытайда автокөлік сатылымы төмендеп жатыр

Сарапшылар дамушы елдердің облигацияларынан аулақ болуға және коммуналдық акцияларға инвестиция салуға кеңес береді. Бұл олардың кірістілігінің америкалық бигтехтен асып түскенін көрсетеді. Сонымен қатар Қытайда дефляция күшейіп, елге жапон сценарийі бойынша ұзаққа созылған дағдарыс қаупі төніп тұр. Осы және өзге де тақырыптар туралы 9 қыркүйекке арналған шолудан оқыңыз.

BofA ФРЖ-дағы құбылмалылық пен жұмсарту кезеңінде коммуналдық акцияларға басымдық береді

Bank of America акцияларының стратегі Савита Субраманьян қор нарығындағы жоғары құбылмалылық коммуналдық акцияларды тартымды етеді деп санайды. Субраманьян коммуналдық сектордың салмағын арттырып отыр. Оның пікірінше, бұл сектордың кірістілігі технологиялық компаниялардың кірістілігінен де жоғары болады деп жазды Bloomberg. «Тасбақаны (сапа мен кірісті) қояннан артық көріңіз (өсу және қайта бағалау», – деп жазды ол клиенттерге арналған жазбасына. Сондай-ақ коммуналдық қызметтердің кірістілігі Nasdaq-тың «ұзақмерзімді» кірістілігімен теңестірілгенін айтты.

Жыл басынан бері S&P 500 Utilities субиндексі 19%-ға өсті және 2024 жылы ақпараттық технологиялар секторынан озып, нарықтағы 11 сектордың ішіндегі ең тиімдісі болуы мүмкін. Әдетте жоғары дивидендтер төлейтін коммуналдық акциялар 2024 жылы 22% өсті. Сондай-ақ олар технологиялық компаниялардан шамамен 3%-ға озып кетті.

ФРЖ ставкаларын төмендету коммуналдық акцияларды одан да тартымды ете алады, дейді стратег. BofA мөлшерлемелер 2025 жылға қарай 3,25%-ға жетеді деп санайды. Сонда коммуналдық кәсіпорындар мен жылжымайтын мүлік акцияларының дивидендтік кірістілігі «инфляциядан өзіне тән қорғанысты ескере отырып, неғұрлым тартымды болатын» жағдайлар жасалады деп есептейді Субраманьян.

Қытай дефляциялық спиральды болжап отыр

2023 жылы Қытайда пайда болған дефляция күшейіп, әлемдегі екінші ірі экономиканың болашағын бұлыңғыр етті, деп жазды Bloomberg. 9 қыркүйекте жарияланған деректер халық табысының төмендеуімен қатар, экономиканың ірі секторларында бағаның өсуі жоқтығын растады. Bloomberg Economics және банк сарапшылары, соның ішінде BNP Paribas SA, елдің жалпы ішкі өнімінің дефляторының одан әрі төмендеуін болжайды.

ЖІӨ дефляторы жалпы ішкі өнімнің нақты өсуін ЖІӨ-нің номиналды өсуінен шегеру арқылы есептеледі. Маусым айының соңында көрсеткіш 0,7%-ды құрады. Бұл 1993 жылы деректер жинала бастағаннан бергі Қытайдағы ең ұзақ дефляция жолағын білдіреді.

«Біз, әрине, дефляциядамыз және дефляцияның екінші кезеңін бастан өткеріп жатырмыз», – деді Morgan Stanley компаниясының Қытайдағы бас экономисі Робин Син жалақыны төмендету туралы деректерге сілтеме жасай отырып. «Жапонияның тәжірибесі көрсеткендей, дефляция неғұрлым ұзаққа созылса, соғұрлым көп ынталандыру қажет болады», – дейді ол.

Қытай үшін қауіп – дефляцияның өсуі. Бұл жалақының төмендеуінен зардап шегіп отырған отбасыларды шығындарды азайтуға немесе сатып алуды кейінге қалдыруға итермелейді. Салдарынан корпорациялардың кірістері зардап шегеді және бұл инвестициялардың, жалақының төмендеуіне әрі қызметкерлердің жұмыстан босатылуына әкеледі.

Үкіметтің қолдауына ие экономика секторларында (электромобильдер, жаңартылатын энергия көздері) жалақы тамыз айының қорытындысы бойынша шамамен 10%-ға төмендеді (Caixin Insight Group және Business Big Data Co деректері). Чунгконг Жоғары бизнес мектебі жүргізген 300 компания басшыларының сауалнамасы өткен айда еңбек шығындарының өсуі 2020 жылдың сәуірінен бергі ең әлсіз өсім екенін көрсетті.

Әлем Жапонияда осындай циклды байқап отыр. 1990 жылдардан бастап кезең «жоғалған онжылдықтар» деп аталды. Содан кейін жылжымайтын мүлік пен қаржы нарықтарындағы «көпіршіктің» жарылуы тоқырауға ұласты.

Morgan Stanley дамушы елдердің қарыздарын теріс бағалап отыр

«Morgan Stanley Нигерия, Аргентина және Марокко облигацияларын артықшылыққа ие қағаздар себетінен алып тастады және Мексика мен Румынияның «арзандаған» қарыздық міндеттемелерін қосты», – делінген дүйсенбі, 9 қыркүйекте жарияланған жазбада. Жалпы стратегтер дамушы нарықтардың егеменді несиелеріне сақтықпен қарауға кеңес береді деп хабарлады Bloomberg.

Сарапшылардың пікірінше, ФРЖ пайыздық мөлшерлемесінің төмендеуі облигациялық қорларға айтарлықтай қаражат ағынын әкелуі екіталай. Стратегтер инвесторларға қысқамерзімді перспективада өз портфельдеріндегі қолма-қол ақша деңгейін арттыра отырып, активтердің осы класына қатысты «аю» көзқарасын ұстануға кеңес береді. Дамушы экономикалардағы спредтерді бағалау барлық бағыт бойынша нашарлай береді және экономикалық өсу баяулайды. Бұл ретте Қытай бойынша тамыз айындағы деректер әлсіз болады, дейді стратегтер.

Қытайдағы автокөлік сатылымы бесінші ай қатарынан төмендеді

Reuters Қытайда автокөлік сатылымы төмендеп жатыр деп хабарлады. Тамыз айындағы деректер қатарынан бесінші мәрте теріс нәтиже көрсетті. Алайда толық электрлік және қосылатын гибридті модельдердің сатылымы өсіп жатыр, бұған үкіметтің субсидиялары әсер етеді.

Қытайлық жеңіл автомобильдер қауымдастығының (CPCA) деректері жалпы нарық бойынша сатылымдар бір жыл бұрынғы аймен салыстырғанда 1,1%-ға – 1,92 миллион автомобильге дейін төмендегенін көрсетті. Шілдеге қатысты сатылым 3,1%-ға кеміді. Цифрлар тұтынушылардың сенімінің төмендегенін көрсетеді. Бұл ретте автомобильдерді сатып алу саны айырбастау бойынша мәмілелер санынан бірінші рет артта қалып отыр.

Дилерлік орталықтардың жартысынан көбі қаңтар-маусым айларында шығынға ұшырады, көрсеткіш өткен жылмен салыстырғанда 7,3 пайыздық тармаққа өсті, делінген Қытайдың автомобиль дилерлері қауымдастығының мәліметтерінде. Сонымен, екінші ірі дилерлік орталық болып саналатын шығынды China Grand Automotive Services тамыз айында Шанхай биржасының баға белгілеу тізімінен алынып тасталды. Оның акциялары 20 күн қатарынан номиналды құнынан төмен сатылған болатын.