Petrosun ЖШС 875 млн теңге көлемінде әкімшілік жазаға тартылды

Бәсекелестікті қорғау және дамыту жөніндегі агенттік Petrosun ЖШС-ға қатысты тергеуді аяқтады. Бұл серіктестікке кейбір сатып алушылармен дизель отынын сату бойынша келісімшарт жасаудан бас тартып, басымдығын теріс пайдаланған деген күдік келтірілген еді. Тергеушілердің пікірінше, бұл жайт тауар нарығындағы бәсекелестікті шектеуге әкелген.

16 шілдеде Жоғарғы соттың әкімшілік істер жөніндегі сот алқасының қаулысы бойынша жергілікті соттың сот актілері өзгеріссіз қалды. Бұл – тергеу нәтижесі заңды деп табылды деген сөз.

12 қыркүйекте Алматы қаласының әкімшілік құқық бұзу жөніндегі мамандандырылған ауданаралық сотының қаулысымен, аталған серіктестік алдынғы өндіруден кейін бір жыл ішінде қайта құқық бұзғаны үшін әкімшілік жауапкершілікке тартылған.

Petrosun 875 млн теңге көлемінде әкімшілік жазаға тартылды.

Қаулы заңды күшіне енген жоқ.

Petrosun – 12 жыл бұрын тіркелген компания. Құрылтайшылары – қазақстандық «ҚазМұнайГаз» және «Қазақстандағы КННК интернационал» ЖШС. Бұрын Petrolex Group арқылы Тимур Құлыбаевқа тиесілі болған. Қаржы есебінде болжамды жылдық түсім (2023 жылғы) – 2 068 940 705 000 теңге. 338 698 984 415 теңге көлемінде салық төлеген.