Секс-жанжал үшін қуылған ақжолдық депутаттың орнына жаңа мәжілісмен келеді
Секс-жанжал үшін қуылған ақжолдық депутаттың орнына «Ақ жол» партиясының кеңесі партиялық тізім бойынша Серік Ерубаевты Мәжіліс депутаты етіп сайлау туралы шешім қабылдады. Бұл туралы Перуашевтың телеграм арнасы хабарлады.
Серік Ерубаев – партия төрағасының аймақтармен жұмыс жөніндегі орынбасары, VII шақырылымдағы ҚР Парламенті Мәжілісінің депутаты.
Атырау қалалық мәслихатының III, V шақырылымының депутаты, 2003-2012 жылдары қалалық мәслихаттың хатшысы.
«Atyrau Construction services ltd» ЖШС бас директоры қызметін атқарған.
Тиісті құжаттар Орталық сайлау комиссиясына жолданбақ.
Айта кету керек, Мәжілісте «Ақ жол» партиясына тиесілі бір депуттатық орын бос тұр. Партия төрағасы Азат Перуашев бұрынғы үзеңгілесі Асқар Садықов харассмент үшін депутаттық мандатынан айырылғаны жөнінде мәлімдеме жасады. Артынша мандатынан айырылған экс-депутат Асқар Садықовтың өзі Азат Перуашевтың айыптауларын жоққа шығарды. Бұдан кейін «Ақ жол» партиясы Асқар Садықовтың мемлекеттік сатып алу нәтижелеріне ықпал еткенін алға тартқан болатын.
Сонымен қатар «Ақ жол» партиясының төрағасы Азат Перуашев Ұлттық гвардияның Бас қолбасшысының орынбасары генерал-майор Константин Воронкин мен «Ақ жол» партиясы төрағасының орынбасары Дмитрий Васильевтің ұсталуына байланысты пікір білдірген еді.
