көлік алып келу ережелері 1 желтоқсаннан бастап өзгермек

2024 жылдың 1 желтоқсанынан бастап 3 жылдан аз уақыт өткен және КҚТМ негізінде әкелінетін, (көлік құралының типін мақұлдау) құжатында көрсетілген заңды тұлғалар ғана әкелуге құқылы болады. Бұл туралы ҚР Қаржы министрлігінің Мемлекеттік кірістер комитетінің ресми сайтында хабарланды.

Жаңа ереже бойынша, Қазақстанға көлік құралдарын әкелетін заңды тұлғалар көліктің техникалық регламент талаптарына сәйкестігін растайтын КҚТМ құжатына ие болуы тиіс. ҚР Индустрия және құрылыс министрлігінің түсіндіруіне сәйкес, шығарылғанына 3 жылдан аспаған және КҚТМ негізінде әкелінетін көліктерді тек осы құжатта көрсетілген тұлғалар ғана тасымалдай алады.

Бұл талап ЕАЭО-ның міндетті сәйкестікті бағалауға жататын өнімдерді кеден аумағына әкелу тәртібі туралы ЕЭК Кеңесінің 2021 жылғы 12 қарашадағы № 130 шешіміне сәйкес енгізілген. Тиісінше, КҚТМ қолдану құқығы тек осы құжатта көрсетілген тұлғаларға ғана беріледі.

Осы өзгерістер 2024 жылдың 1 желтоқсанынан бастап күшіне енеді.