«Қазақстан темір жолы» жаңа жыл қарсаңында пойыз билеттеріне жеңілдік береді
Жарияланды
«Қазақстан темір жолы» пойыз билеттеріне жеңілдік жариялады. Бұл туралы ҚТЖ-ның баспасөз қызметі хабарлады.
Жеңілдіктер тек 31 желтоқсанда қатынайтын пойыздарға қолданылады. ҚТЖ талаптарына сәйкес бұл күнгі билеттерді жеңілдікпен алу үшін 1 желтоқсанға дейін сатып алу қажет.
Билеттердің бағасы мына бағыттар бойынша, 25%-ға жеңілдейді.
- №26 «Шымкент–Алматы»
- №86 «Шымкент–Астана»
- №12 «Шымкент–Алматы-2»
- №77/78 «Алматы–Маңғыстау»
- №47 «Астана–Атырау»
- №691/692 «Атырау–Ақтөбе»
- №313 «Маңғыстау–Атырау»
- №605/606 «Балқаш–Қарағанды»
- №351/352 «Алматы-2–Өскемен-1»
- №34 «Ақтөбе–Алматы- 1»
Ескерте кетейік, 25% жеңілдік тек купе вагондарына арналған билеттерге қолданылады.
Айта кетейік, Қазақстанда 2024 жылғы 1 қазаннан бастап, 140 жолаушы тасымалының 62 бағыты бойынша пойыз билеттері 20%-ға қымбаттады. Облысаралық пойыздардың орташа тарифі 6 377 теңгеден 7 652 теңгеге, «Тальго» пойыздарымен жүрудің орташа құны 10 579 теңгеден 12 695 теңгеге артты.
