«Росатом» басшысы АЭС салатын концорциумды тек Ресей жинай алатынына сенімді

Қазақстандағы салынатын АЭС концорсиумын жинау тек Ресейдің ғана қолынан келуі мүмкін. Бұл ойды Ресей президенті Владимир Путинмен бірге Астанаға келген «Росатом» корпорациясының басшысы Алексей Лихачев айтты.

Лихачевтың пікірін «Коммерсант» басылымы жариялады. 27 қарашада Қасым-Жомарт Тоқаев пен Владимир Путин арасындағы келіссөздер кезінде «Росатом» басшысы журналистерге АЭС құрылысына қажетті ауқымды консорциумды қазір тек Ресей ғана жинай алады деп мақтанған.

«Кішіпейіл болмай-ақ қояйын. Мұндай жобаларға үлкен халықаралық консорциумды жинай аламыз деп айта аламын. Соңғы 20 жыл ішінде «Росатом» мұны бірнеше рет жасады: Ресейдің ядролық аралы, Француз микробағдарламасы, Кореяның жұмыс күші бар», — деді Лихачев.

Ол Қазақстанда атом электр станциясын салу туралы референдумға сайлаушылардың көп келуіне Ресейдің әсер еткенін де айтады.

«Белгілі бір деңгейде осы шешімнің қатысушыларымыз. Өйткені атом технологиясының табиғатын түсіндіру үшін ғана емес, сонымен бірге оның пайдасын көрсету үшін көп нәрсе жасадық. Көптеген қазақстандық Ресейде жұмыс істейтін станцияларға және Түркияда салынып жатқан станцияға барды. Тағы бір жақсы жаңалық: Қазақстан Үкіметі жоба кең халықаралық кооперация жағдайында іске асырылуы тиіс екенін айтты», — деп қосты Лихачев.

Сондай-ақ Қазақстанға ядролық технологияны таңдау керек екендігін айтты. Елімізде кеңестік немесе америкалық өндірісті таңдау мүмкіндігі барын атап өтті.

27 қарашада «Казахстанская правда» басылымындағы жария болған мақаласында Ресей президенті Владимир Путин «Росатом» Қазақстанмен бірлесіп жаңа ауқымды жобалар жасауға дайын екенін айтқан.