«ҚазМұнайГаз» Германиядағы «Шветд» мұнай өңдеу зауытындағы «Роснефть» үлесін сатып алмайды

«ҚазМұнайГаз» компаниясы (ҚМГ) Германиядағы «Шведт» мұнай өңдеу зауытындағы «Роснефть» үлесін сатып алуды қарастырмайды. Бұл туралы «Интерфакске» Энергетика министрлігінің ресми өкілі Шыңғыс Ілиясов айтқан.

«Қазіргі уақытта ҚМГ Германиядағы «Шведт» мұнай өңдеу зауытындағы «Роснефть» үлесін сатып алу нұсқасын қарастырмайды», – делінген Ілиясов жауабында.

Ол «Қазмұнайгаздың» ресурстарынан мұнаймен қамтамасыз етілетін Румынияда өзінің шетелдік активі – «Ромпетрол» мұнай өңдеу зауыты бар екенін айтқан.

Бұған дейін Ресей президенті Владимир Путин қазақстандық тараппен «Қазақстанның өзі Германияға мұнай жеткізу үшін «Шведттегі» «Роснефть» үлесін сатып алауға қатысты бірнеше рет талқы болғанын айтқан.

Қазақстан 2023 жылдың ақпан айынан бастап Германияға «Дружба» мұнай құбыры арқылы «Шведт» зауытына мұнай экспорттайды. 2023 жылы Ресей арқылы транзит режимінде жүзеге асырылатын тасымалдар 1 млн тоннадан сәл аз болды. 2024 жылы Қазақстан 10 айдың қорытындысы бойынша 1,2 млн тоннаға өз квотасын орындады. 2025 жылы – 2,5 млн тоннаға дейін ұлғайтқысы келген.

Айта кетейік, 2 желтоқсанда Германияға қазақстандық мұнай жеткізілетін «Дружба» құбыры Польша жерінде зақымдалғанын жазған едік. Энергетика министрлігі зақым салдарынан қазақстандық мұнай тасымалы тоқтатылмағанын хабарлаған.