Калифорниядағы өрт салдарынан экономикалық шығын есебі «Хелен» дауылының зарарынан асып кетті

Калифорнияның оңтүстігінде жалғасып жатқан ормандағы өрттің шығыны 250-275 млрд доллар болуы мүмкін деп жазды Интерфакс The Washington Post басылымына сілтеме жасап.

AccuWeather ұйымы мұның алдында ормандағы өрт салдарынан экономикалық шығын 135-150 млрд доллар болады есептеген.

«Бұл Калифорния тарихындағы ең күшті орман өрттерінің бірі», – деді компанияның бас метеорологы Джонатан Портер.

Алапат өрт екі жерде – Лос-Анджелестің батысындағы Тынық мұхиты Пасифик-Палисейдс және Лос-Анджелестің шығысындағы Альтадин аймағында – 12 мыңнан астам нысанды күйретті. Санта-Моника мен Малибу арасындағы ең қымбат тұрғын үйлер өртенді. Мұндағы орташа жылжымайтын мүлік бағасы 2 миллион долларды құрайды.

Қазіргі болып жатқан өрт АҚШ-тағы соңғы апаттардан, мысалы, 2023 жылғы Гавайидегі орман өрті мен 2024 жылғы Хелен дауылынан асып түсті деп хабарлайды AccuWeather. Гавайидегі апат 2,2 мыңнан астам ғимаратты қиратып, 5,5 млрд доллар шығын келтірді. «Хелена» дауылының залалы 225-250 млрд долларды құрады.

Калифорниядағы өрттен қаза тапқандар саны – 24-ке жетті. Билік зардап шеккендерді анықтау әлі жалғасып жатқанын ескертті.

Байден барлық шығын өтеледі деген уәде берген. Трамп өртті өшіру жұмысын сынаған.