Қар мен боран. 17-19 қаңтарға ауа райы болжамы
Жарияланды
Қазақстандық синоптиктер 2025 жылдың 17-19 қаңтарына арналған ауа райы болжамын жариялады. Еліміздің кейбір өңірлерінде қарлы боран мен көктайғақ болатыны болжанып отыр.
Оңтүстік өңірлерде күн жылығаннан кейін, Қазақстан аумағына Атлант мұхитынан жаңа циклон жақындап келеді. Бұл циклон бірқатар өңірлерге жауын-шашын алып келеді.
- Еліміздің батыс, оңтүстік және оңтүстік-шығыс аймақтарында жаңбыр мен қар аралас жауын-шашын күтіледі
- Қалған өңірлерде қар жауады.
- Оңтүстік және оңтүстік-шығыстағы таулы аудандарда қарлы боран мен қалың жауын-шашын болуы мүмкін.
Көктайғақ пен тұман
Синоптиктердің мәліметінше, кейбір өңірлерде көктайғақ болады. Сонымен қатар тұман түсіп, жолдағы қозғалысқа қиындықтар туғызуы мүмкін.
Ел аумағында жел күшейіп, боран соғуы ықтимал. Бұл, әсіресе, ашық далалы аймақтарда көріну мүмкіндігін нашарлатуы мүмкін. «Қазгидромет» тұрғындарды ауа райының қолайсыздығына байланысты барынша сақ болуға шақырады.
