Президент телерадиокешенінде жаңа радиотолқын іске қосылады

Президент телерадиокешенінде радиохабар тарату іске қосылады.Бұл туралы «Ашық НҚА» порталында жарияланған құжатта айтылған.

Үкімет акцияларының 50%-дан астамы мемлекетке тиесілі кәсіпорындар, заңды тұлғалар және олармен үлестес тұлғалар жүзеге асыратын қызмет түрлерінің тізбесіне толықтыру енгізетін қаулы жобасын дайындады.

Жоба авторларының айтуынша, радио ашу туралы бастама Қасым-Жомарт Тоқаевтың, Парламент пен Үкіметтің қызметі туралы контентті тарату арқылы ақпараттық жұмысты күшейту мақсатында қажет болып отыр.

Президенттің телерадиокешенінде атауында радио сөзі кездескенімен, қазіргі уақытта өз радиохабарын тарату мүмкіндігі жоқ. Кешен негізінен телевизиялық контент, мультимедиялық жобалар және мемлекет басшысының қызметін жариялау бойынша жұмыс істейді.

Құжат «Ашық НҚА» сайтында 20 ақпанға дейін жария талқылауда болады.

Айта кетейік, Президенттің телерадиокешені 1996 жылы құрылды, ал оның жұмысын қазіргі уақытта Президент іс басқармасы бақылап отыр.