Құнды қағаздарға қатысты заңнаманы бұзғандарға 121 млн теңге айыппұл салынған
2024 жылы құнды қағаздарға қатысты заңнаманы бұзған кәсіби нарық қатысушыларына 121 млн теңге айыппұл салынған. Бұл туралы Қаржы нарығын реттеу және дамыту агенттігінің бағалы қағаздар нарығын бақылау туралы есебінде жазылған.
2024 жылы агенттік 455 әкімшілік құқықбұзушылық хаттамасын рәсімдеп, 121 млн теңге көлемінде айыппұл салды. Бұл шаралар бағалы қағаздар нарығындағы заңдылықты қамтамасыз етуге бағытталған.
2024 жылы ҚНРДА 40 брокер мен дилер, 11 кастодиан-банк, 21 инвестициялық портфельді басқарушы және үш ірі инфрақұрылымдық ұйымның (KASE, Клирингтік орталық, Орталық депозитарий) қызметін қадағалаған. Бақылау барысында заң бұзушылықтар анықталып, санкциялар қолданылды.
80,5 млн теңге айыппұл оннан аса жоспарлы және жоспардан тыс тексерудің нәтижесінде салынды. Бұл тексеріс банк секторы мен бағалы қағаздар нарығындағы кәсіби қатысушылардың үстінен жүргізілген. Нәтижесінде 306 әкімшілік құқық бұзу хаттамасы жасалды. Сондай-ақ қашықтан бақылау барысында 25 заң бұзу анықталып, 10,8 млн теңге көлемінде айыппұл салынды.
ҚНРДА-ның эмитенттерді бақылау мониторингі нәтижесінде 43 заң бұзу тіркелді, олардың жалпы айыппұлы 9 млн теңгені құрады. Сонымен қатар, бағалы қағаздар нарығындағы манипуляцияларды анықтаумен айналысатын сараптамалық комитет 79 күмәнді мәмілені тіркеді. Олардың 22-сі бойынша 20,7 млн теңге көлемінде айыппұл салынса, 57 іс сотқа жіберілген.
RASS: Тәуекелдерді бағалау жүйесі
Агенттік RASS жүйесін пайдаланып, 2024 жылы нарықтың 7 кәсіби қатысушысын жоғары тәуекел деңгейінде анықтады. Мұндай ұйымдар қосымша бақылауға алынып, олардың қызметі жіті тексерілді. Бұл жүйе қаржы институттарының тұрақтылығын сақтауға көмектеседі.
RASS (Risk Assessment and Supervision System) – тәуекелдерді бағалаудың заманауи жүйесі. Бұл әдіс қаржы ұйымдарының қаржылық жағдайын сараптап, ықтимал тәуекелдерді алдын ала анықтауға мүмкіндік береді.
