Қасым-Жомарт Тоқаев Венесуэла президенті Николас Мадуромен кездесті

Қасым-Жомарт Тоқаев Мәскеуде Венесуэла Республикасының Президенті Николас Мадуромен кездесті. Кездесу барысында Мемлекет басшысы қонақты жылы қарсы алып, Ұлы Жеңістің 80 жылдығы қарсаңында Қазақстан халқының ерен ерлігін еске салды.

Кездесу барысында Президент Тоқаев Венесуэламен ынтымақтастықты нығайтудың маңыздылығын атап өтті.

Осыған байланысты Қасым-Жомарт Тоқаев Николас Мадуроны Қазақстанға мемлекеттік сапармен келуге шақырды. Сапар аясында екі ел арасындағы өзара байланысты нығайту перспективалары талқыланбақ.

Өз кезегінде Венесуэла Президенті Николас Мадуро екіжақты ынтымақтастықты дамытудың жолдарын талқылауға мүмкіндік туғанына қуанышты екенін жеткізді. Сондай-ақ ол Жеңістің 80 жылдығы – жаһандық маңызы бар оқиға екенін атап өтті.

Келіссөздер қорытындысы бойынша екі ел арасындағы нақты өсім нүктелерін анықтау мақсатында приоритетті экспорттық өнімдер тізімін әзірлеу және алмасу жөнінде уағдаластыққа қол жеткізілді.

Айта кетейік, бұған дейін Президент Қасым-Жомарт Тоқаев Ресей Президенті Владимир Путиннің шақыруымен Ұлы Жеңістің 80 жылдығына арналған шараларға қатысу үшін Мәскеуге барған еді.