«Қызым тұншығып қалды»: блогер жедел жәрдемнің баяу жұмысына шағымданды
Белгілі қазақстандық блогер Дарья Александрова жас нәрестесі Кияраның аллергиялық реакциядан тұншығып қала жаздағаны туралы оқиғасымен бөлісті. Алматы облысында жедел жәрдем оларға 27 минутта ғана жеткен.
Дарьяның айтуынша, ол екі айлық қызына іш кебуін басу үшін «Эспумизан» дәрісін берген. Алайда көп ұзамай сәбиде аллергиялық реакция басталған.
«Аузының айналасы қызарып кетті, ол қатты тыныс ала бастады», – деп жазды блогер Instagram парақшасында.
Қатты үрейге бой алдырған Дарья жедел жәрдем шақырып, дәрігерлер келгенге дейін «Фенистил» дәрісін берген. Бұл дәрі симптомдарды тез басыпты. Ол дәрігерлерге еш шағымы жоқ екенін айтты, себебі олардың әдейі кешікпегеніне сенеді.
Соған қарамастан, Дарья жедел жәрдемнің тым кеш келгеніне алаңдаушылық білдірді.
«Барлық жедел жәрдем қайда? Машиналар қайда?» – деп жазды ол эмоцияға толы жазбасында.
Блогер қызының қызарып кеткен жүзі мен тыныс ала алмағаны есінен кетпейтінін айтады.
Еске сала кетейік, 1 мамырдан бастап жедел жәрдем қызметінің жаңа ережелері күшіне енді. Енді 4-санаттағы шақыртулар емханаға бағытталатын болады. Ал аса шұғыл жағдайлар үшін келесі нормативтер белгіленген: 1-санатқа – 10 минут, 2-санатқа – 15 минут, 3-санатқа – 30 минут.
