Өзбекстан президенті әлем чемпионатына шыққан футболшыларға BYD көлігін сыйлайды

Өзбекстан футбол құрамасының 2026 жылғы әлем чемпионатына алғаш рет жолдама алуы ел тарихындағы айтулы оқиғаға айналды. Осы тарихи жеңістен кейін Өзбекстан президенті Шавкат Мирзиёев ұлттық құраманың бас бапкері, ойыншылары мен жаттықтырушылар штабына жоғары мемлекеттік марапаттар табыстау туралы жарлыққа қол қойды.

Бас бапкер Тимур Кападзе мен барлық футболшыларға «Ўзбекистон ифтихори» («Өзбекстан мақтанышы») құрметті атағы берілді. Бұл марапат тек негізгі ойыншыларға ғана емес, жас таланттарға да табысталды. Олар Азия іріктеу кезеңіндегі табысты ойындарымен жеңіске үлкен үлес қосты.

Сондай-ақ, Өзбекстан футбол қауымдастығы төрағасының бірінші орынбасары Равшан Ирматов «Фидокорона хизматлари учун» («Фидақорлық еңбегі үшін») орденімен марапатталды. Бапкер көмекшілері мен шетелдік мамандар, оның ішінде Сречко Катанеца, «Дўстлик» («Достық») орденімен марапатталды.

Құрама дәрігері Алишер Арипов футболшылардың денсаулығын қамтамасыз етудегі еңбегі үшін «Саломатлик» («Денсаулық») ІІ дәрежелі орденін алды, ал физиотерапевтер «Соғлом турмуш» («Салауатты өмір салты») медалімен марапатталды.

Сонымен қатар, Футбол қауымдастығының бірқатар қызметкерлері — администраторлар, аудармашылар, медиа мамандары және жанкүйерлер — құраманы дайындау мен насихаттау ісіндегі белсенді еңбектері үшін «Шуҳрат» медалімен марапатталды.

Президент Мирзиёев бұл тарихи жетістікке бейжай қарамай, ойыншыларға телефон соғып, жеке өзі құттықтаған. Бұған қоса, ұлттық құраманың футболшыларына BYD маркалы автокөліктер сыйға тартылатыны белгілі болды.

Еске сала кетейік, 5 маусым күні Өзбекстан құрамасы БАӘ ойында тең түсіп, тарихта алғаш рет әлем чемпионатына жолдама алған еді.