Van Cleef, Marco Bicego, Fope: олигархтардан қайтқан бренд алқалардың құны қанша

Олигархтардан қайтқан аса бағалы әшекей бұйымдар аукционға шығарылды. Электронды сауда алаңында жарияланған алқалардың арасында әлемдік элиталық брендтер де бар.  

«Қайтарылған активтерді басқару компаниясы» E-Qazyna электрондық сауда алаңында мемлекет меншігіне қайтарылған активтерді шығарды.

Ең қымбат әшекей — Van Cleef & Arpels” брендіне тиесілі алқа. Оның бастапқы бағасы 38,5 млн  теңгеден асады. Сипаттамада көрсетілгендей 84 грамм болатын бұл алқа 16,92 карат гауһар тас және ақ алтынмен көмкерілген.

Одан кейінгі орында —  «Frank Muller» брендіне тиесілі алқа. Бастапқы бағасы  5,2 млн теңгеден басталады. 750 пробалы ақ алтынан тұратын әшекейдің самлағы 52 грамм, тастарының жалпы саны 230. Сондай-ақ, 4,6 караттық ақ гауһар тастармен көмкерілген.

Қымбат алқалалардың  алғашқы үштігінде «FOPE» алқасы бар. Оның құны 4,7 млн теңгеге бағаланған (бастапқы бағасы). Сипаттамада салмағы 11 грамм болатын зергерлік бұйым 192 гауһар (3,5 карат) және алты інжу-маржанмен көмкерілгені көрсетілген.

 “Marco Bicego“ брендінің алқасы да қымбат әшекейлердің қатарында. Ол бұған дейін шамамен ауқатты қазақстандық әйелге тиесілі болған. Оның бастапқы бағасы — 2,8 млн теңге. Сараптама қорытындысына сәйкес, әшекей сары алтыннан жасалып, 160 гауһар таспен (3,2 карат), өсірілген інжумен, топаз, аквамарин, аметист, гранат және турмалинмен көмкерілген.

“Marco Bicego“ брендтің тағы бір әшекейі де аукционға шығарылған. Құны 2,7 млн теңгеге саудаланып отыр. Әшекейдің жалпы салмағы 107,5 грамм, інжу, топаз, аквамарин, аметист, турмалин сынды  түрлі-түсті  бағалы тастармен көмкерілген.

Айта кетейік,  бұл алқаның барлығы мемлекет меншігіне қайтарылған. Аукцион 24 шілдеде өтеді және ағылшын әдісімен, яғни бағаның өсуімен жүзеге асады.