Педагогтердің білімін бағалауға арналған тестілеуге өтініш қабылданады
Жарияланды
Ұлттық тестілеу орталығы 2025 жылғы 5-7 тамыз аралығында педагогтердің білімін бағалауға арналған тестілеуге құжат қабылдау басталатынын хабарлады.
Өтінім app.testcenter.kz сайты арқылы қабылданады.
Педагогтердің білімін бағалауға тестілеу 8-9 тамыз аралығында өтеді.
Тестілеуге кім қатыса алады:
- педагогикалық бағыттар бойынша колледж және жоо түлектері, яғни тәжірибесі жоқ кандидаттар (2025 жылы бірінші мүмкіндік үшін – тегін, келесі мүмкіндіктер үшін – 5640 тг);
- педагогикалық қызметті қайта жалғастырғысы келетін тұлғалар (2025 жылы бірінші мүмкіндік үшін – тегін, келесі мүмкіндіктер үшін – 5640 тг).
Бұған дейін, жоғары аудиторлық палата жоғары білім беру жүйесінің қазіргі жай-күйін бағалау және проблемаларды анықтау мақсатында кешенді сауалнама бастаған.
