«Қайрат» – «Слован» жұбының жеңімпазы шотландиялық «Селтик» командасымен ойнайды
Чемпиондар лигасының плей-офф кезеңіне арналған жеребе тарту рәсімінің қорытындысы бойынша, «Қайрат» пен «Слован» жұбының жеңімпазы әйгілі шотландиялық «Селтик» клубымен кездеседі.
Егер алматылық клуб үшінші іріктеу кезеңінде «Слованды» жеңсе, плей-оффтағы алғашқы ойын 19 немесе 20 тамызда Глазгода өтеді. Жауапты кездесу 26 немесе 27 тамызда қонақта өтеді — бұл жеңімпаз командаға байланысты анықталады.
Алайда алдымен «Қайрат» 6 тамыз күні Орталық стадионда өтетін «Слованға» қарсы матчта жеңіске жетуі керек.
«Селтик» — таныс қарсылас
Айта кету керек, шотландиялық клуб қазақстандық жанкүйерлерге жақсы таныс. Бұған дейін «Селтик» еліміздің екі клубымен — «Шахтер» және «Астанамен» кездескен.
- «Селтик» 3:0 «Шахтер»
- «Шахтер» 2:0 «Селтик»
- «Селтик» 5:0 «Астана»
- «Астана» 4:3 «Селтик»
- «Селтик» 2:1 «Астана»
- «Астана» 1:1 «Селтик»
Шотландиялық клубтың қаржылық әлеуеті де жоғары. Transfermarkt мәліметі бойынша, «Селтик» құрамының жалпы құны — 126 миллион еуро. Бұл — «Қайрат» құрамынан шамамен 10 есе қымбат.
Жеңілген клуб Еуропа лигасына өтеді
Егер «Қайрат» немесе «Слован» Чемпиондар лигасының үшінші кезеңінен өте алмаса, олар Еуропа лигасының плей-офф кезеңіне жолдама алады. Бұл Еуропа лигасының соңғы іріктеу кезеңі. Мұнда жеңілген ұжым Швейцарияның «Янг Бойз» клубымен бақ сынасады.
Бұл ойындар 21 және 28 тамыз күндері өтеді. Жеңіске жеткен команда Еуропа лигасының топтық кезеңіне өтеді, ал жеңілген ұжым маусымды Конференциялар лигасында жалғастырады.
Еске сала кетейік, бұған дейін «Қайрат» финляндиялық «КуПС» командасымен кездесіп жеңіске жеткен еді.
