Нысаналы трансферт алмаса, Ұлттық қор қаражаты қаншалықты артады – Сүлейменов жауабы
Үкімет Ұлттық қордан жыл сайын нысаналы трансферт алуын тоқтатса, Ұлттық қор қаражаты қаншалықты артады? Бұл сұраққа базалық мөлшерлеме бойынша өткен брифинг барысында Ұлттық Банк төрағасы Тимур Сүлейменов жауап берді.
«Нысаналы трансферт алынбаса, Ұлттық қордың қаражаты 2030 жылға қарай 100 млрд долларға жете ме?» – деп сұрады журналист.
Тимур Сүлейменов оған түрлі факторлар әсер етуі мүмкін екенін айтты. Оған бірінші кезекте мұнай бағасы әспре етеді. Сонымен бірге экспорт пен импорт көлемі, алынатын трансферт көлемі қордағы қаражаттың өсіміне айтарлықтай ықпал етеді.
«Осы аптада үкімет Ұлттық қордың қалай өсетіні туралы болжамын хабарлады. Қор қаражаты шамамен 80 млрд долларға жетеді деп болжанып отыр. Бірақ оған түрлі факторлар әсер етуі мүмкін», – деді банк төрағасы.
Еске сала кетсек, 2026 жылдан бастап үкімет Ұлттық қордан алынатын қаражатты қатаң шектеуді жоспарлап отыр. 26 тамыз күні өткен үкімет отырысында Қаржы министрі Мәди Тәкиев 2026-2028 жылдарға арналған бюджет жоспарын таныстыры, онда бюджет тапшылығы Ұлттық қордың қаражатынсыз теңгерімделетінін айтқан болатын. Мұның алданда премьер-министр премьер-министр Олжас Бектенов алдағы үш жылдық бюджеттің жоспарлау кезінде үкіметтің Ұлттық қордан нысаналы трансфертіне жүгінбейтінін айтқан.
