Ұлттық ұлан сарбаздары Конституцияның 30 жылдығына арнап ерекше акция өткізді

Ұлттық ұлан әскерилері Конституцияның 30 жылдығына арнап ерекша акция өткізді. Бұл туралы Ұлттық ұланның баспасөз қызметі хабарлады.

Қазақстан Республикасы Конституциясының 30 жылдығына орай Ұлттық ұланның Құрмет қарауылы ротасы айтулы күнге орай «30» санын бейнелеп сап түзеген.

«Әрбір әскери қызметші үшін Конституцияға адалдық – парыз ғана емес, үлкен абырой. Ұландықтар мерейтой құрметіне осындай көрініс ұйымдастырып, құқықтық тәртіпті, азаматтардың конституциялық құқықтарын және ел қауіпсіздігін қорғауға әрдайым дайын екенін көрсетті», – дейді Ұлттық ұланның ресми өкілі Әлібек Әбділов.

Ұландықтардың бастамасын құқықтық тәртіп әскерінің өзге әскери бөлімдері де қолдап, дәл осындай акция өткізген.

Айта кетейік, бүгін президент Қасым-Жомарт Тоқаев қазақстандықтарды Конституция күнімен құттықтады.