Экономиканың жоғары технологиялық салаларын дамытуға Ұлттық қордан ақша алынады

Экономиканың жоғары технологиялық салаларын дамытуға қажет қаржы Ұлттық қордан алынады. Сонымен қатар екінші деңгейлі банктерден де қаржы тартылмақ. Бұл туралы Үкімет отырысында ҚР Премьер-Министрінің орынбасары – Ұлттық экономика министрі Серік Жұманғарин мәлімдеді.

Жоғары технологиялық салаларды дамыту бағдарламасын Үкімет Ұлттық банкпен бірлесіп дайындайды. Бұл салаларға жалпы 1 млрд доллар қаржы құю жоспарланып отыр.

«Ұлттық Банкпен бірлесіп 1 млрд АҚШ долларына дейінгі бюджетпен Экономиканың жоғары технологиялық салаларына инвестициялау бағдарламасы Ұлттық қор мен екінші деңгейдегі банктердің қаражатын тартумен әзірленеді», – деді Жұманғарин

8 қыркүйекте Қасым-Жомарт Тоқаев өз Жолдауында Үкіметке жоғары технологиялық салаларды дамыту бағдарламасын жасауды міндеттеген.

Сондай-ақ «Банктер туралы» Заң жобасы әзірленеді, ол финтехті ілгерілету және цифрлық активтер айналымын ырықтандыру үшін жағдай жасамақ.