Облыстарда мәслихат депутаттарының кезектен тыс сайлауы өтеді
Жарияланды
Орталық сайлау комиссиясы 2025 жылдың 26 қазанында облыстық, қалалық және аудандық мәслихат депутаттарының сайлауын тағайындады.
Сайлау еліміздің 20 өңірінің 16-сында өтеді. Астана, Алматы, Шымкент қалаларында және Жетісу облысында сайлау қарастырылмаған.
Дауыс беру өтетін өңірлер:
- Алматы облысы – Ұйғыр ауданы мәслихаты;
- Абай облысы – Ақсуат, Бесқарағай, Жарма, Көкпекті аудандары және Мағаншы ауданы мәслихаттары;
- Ақмола облысы – Қосшы қаласы мен Шортанды ауданы мәслихаттары;
- Ақтөбе облысы – Ақтөбе қаласы, Байғанин, Ырғыз, Қобда, Ойыл, Хромтау, Шалқар аудандары;
- Атырау облысы – Жылыой, Индер, Мақат аудандары;
- Шығыс Қазақстан облысы – Зайсан ауданы;
- Жамбыл облысы – Жуалы және Меркі аудандары;
- Батыс Қазақстан облысы – Қаратөбе және Сырым аудандары;
- Қарағанды облысы – Қарағанды, Сарань қалалары және Бұқар жырау ауданы;
- Қостанай облысы – облыстық мәслихат;
- Қызылорда облысы – Қызылорда қалалық және Жалағаш аудандық мәслихаттары;
- Маңғыстау облысы – облыстық мәслихат;
- Павлодар облысы – Екібастұз, Ақсу қалалары, Ақтоғай, Баянауыл және Тереңкөл аудандары;
- Солтүстік Қазақстан облысы – облыстық мәслихат;
- Түркістан облысы – Түркістан қаласы, Келес, Ордабасы, Сайрам аудандары;
- Ұлытау облысы – Сәтбаев, Қаражал қалаларының мәслихаттары.
Кандидаттардан құжат қабылдау 25 қыркүйек сағат 18:00-ге дейін жалғасады. Тіркеу 30 қыркүйек сағат 18:00-де аяқталады. Үгіт-насихат жұмыстары 30 қыркүйектен 25 қазанға дейін жүргізіледі. Ал сайлау қорытындылары 2025 жылдың 1 қарашасына дейін жарияланады.
