Астанада ауыл шаруашылығы жәрмеңкесіне 400 тоннадан аса өнім шығарылды

20–21 қыркүйек күндері елордада Абай және Атырау облыстарының өндірушілері қатысқан дәстүрлі ауыл шаруашылығы жәрмеңкесі өтіп жатыр.

Бұл шарада аталған өңірлердің фермерлері ет, сүт, балық, көкөніс, жеміс-жидек және түрлі бакалея өнімдерін тікелей ұсынады. Мұндай жәрмеңке азық-түліктің бағасын қолжетімді етіп қана қоймай, отандық шаруаларды қолдауға жол ашады.

Сауда және интеграция министрлігінің ақпаратынша, фермерлер елордаға шамамен 400 тонна өнім жеткізген. Оның ішінде:

140 тонна ет пен ет өнімдері, 80 тонна көкөніс пен жеміс-жидек, 70 тонна бал, 50 тонна бақша дақылдары, 25 тонна балық, 15 тонна сүт өнімдері, сондай-ақ 20 тоннаға жуық басқа да азық-түлік бар.

Жәрмеңкеге келген қала тұрғындары мен қонақтары сапалы өнім сатып алып қана қоймай, өңірлік өнер ұжымдарының қатысуымен өтетін мәдени бағдарламаға да куә бола алады.

Сауда алаңы таңғы 09:00-ден кешкі 18:00-ге дейін ашық.

Айта кету керек, биылғы жәрмеңке «Қазанат» ипподромының автотұрағында ұйымдастырылып жатыр. Қатысушылардың ыңғайлығы үшін №18, №37 және №303 автобустары жәрмеңке өтетін жерге қатынайды.

Мұның алдында Астанада ЖРВИ жұқтырғандар саны 14%-ға көбейгені туралы жазған едік.