Алматы қаласының бір ауданын жаңа жылға безендіруге 178,5 млн теңге бөлінеді

Алматыдағы Бостандық ауданы әкімдігі 2026 жылғы Жаңа жылды қарсы алғанда безендіру жұмыстарына 178,5 млн теңге бөлуді жоспарлап отыр. Қаражат «Атакент» аумағын, Тұңғыш президент саябағын және ауданның магистральды көшелерін мерекелік безендіруге жұмсалады.

Қаражат қайда жұмсалады?

Мемлекеттік сатып алу сайтында жарияланған лоттың техникалық сипаттамасына сәйкес қаражат мынаған бөлінеді:

• 62,5 млн теңге «Атакент» аумағын безендіруге жұмсалады. Ол жерге 25 метр шырша (диаметрі 12 м), гирляндалар, үш фотозона және жарық жанып тұратын мүсін орнатылады. Олардың ішінде екі метрлік жылқы мүсіні болады.
• 62,5 млн теңгеге Тұңғыш президент саябағы безендіріледі (шырша, гирляндалар және фотозоналар орнатылады).
• 53,5 млн теңгеге ауданның магистральды көшелеріне жарық шамдарын сатып алып, ілінеді.

Мердігерлерден өтінім қабылдау 2025 жылдың 24 қыркүйегі мен 1 қазаны аралығында өтеді. Жұмыстар желтоқсанның басына дейін аяқталуға тиіс.

Түрксіб ауданындағы шығындар

Алматының Түрксіб ауданы әкімдігі де жаңа жылдық безендіруге дәл осындай сома – 178,5 млн теңге бөлуді көздеп отыр.

Бұған дейін «Курсив» 2024 жылы Астана әкімдігі қаланы Жаңа жылға безендіруге шамамен 700 млн теңге жұмсағанын жазды.