Қазақтар бокстан бірінші разрядпен туады – Дмитрий Бивол
Дмитрий Бивол «Зенит» клубында жаттығып, қазақстандық футболшы Нұралы Әліппен спарринг жайлы пікір білдірді.
Оның пікірінше, қазақтар бокстан бірінші разрядпен туады.
Жартылай ауыр салмақта WBA Super, IBO, IBF, The Ring және WBO тұжырымдары бойынша әлем чемпионы ресейлік боксшы Дмитрий Бивол Санкт-Петербургтің «Зенит» футбол клубында жаттығуға қатысып жүр. Сонымен қатар ол қазақстандық қорғаушы Нұралы Әліпке қарсы спарринг туралы сұрақтарға жауап берді.
«Алғаш рет әлемдік деңгейдегі футбол клубына келіп отырмын. Әрине, спортшы ретінде мұндағы барлық процестерді – жаттығу, қалпына келу, асхана, жатақхана – жақсы түсінемін. Тіпті жаттығуға қатыстым. Маған жігіттермен бірге жүгіруге, жылдамдыққа жұмыс істеуге мүмкіндік берді. Ал шабуылға қойды», – деді Бивол.
Оның айтуынша, футболшылар оған доп беріп, қателіктерін түзетіп отырған.
«Әліппен ерекше байланыс орнағандай көрінді. Оған қолғап сыйладыңыз. Ол да сіздің салмақ дәрежеңізде. Спарринг күтеміз бе?», – деген сауал қойылды Биволға.
«Арқа жарақатымды толық жазып алсам, бірлескен жаттығу жасауға болады. Бірақ оны спарринг деу қиын», – деді чемпион.
Журналистердің «Сен оны 10 секундта жеңе аласың ба» деген сұрағына Бивол әзілмен жауап берді:
«Шынын айтсам, қазақтар, бәлкім, туғаннан-ақ бокстан бірінші разрядпен дүниеге келетін шығар», – деді атақты боксшы күліп.
Ақпан айында Бивол өзінің басты төрт қарсыласы кімдер екенін атаған еді.
