Шетелден арзан көлік әкеп берем деп, 70 адамды 420 млн теңгеге алдаған

Астана қаласының бір тұрғыны алаяқтық әрекеті үшін 6 жыл 8 айға сотталды. Ол шетелден көлік әкеп берем деп, 70 адамды 420 млн теңгеге алдаған. Бұл туралы Бас прокуратура хабарлады.

Құзырлы мекеме мәліметінше, «бірнеше рет алаяқтық жасаған» адам Оңтүстік Кореядан тиімді бағамен автокөлік жеткізуге уәде берген.

«Алайда жәбірленушілерге берілген көліктер бұрын автокөлікті жалға беру компанияларына сотталғанға уақытша пайдалануға берілгендігі анықталды», – деп хабарлады прокуратура.

Сотталған азаматтың алаяқтық әрекеттерінен 70-тен астам тұлға зардап шекті. Жалпы шығын 420 млн теңге болды.

«Ол өз кінәсін толық мойындады. Сот қылмыскерге 6 жыл 8 айға бас бостандығынан айыру жазасын тағайындады».

Прокуратура белгілі бір қызмет көрсету құқығын растайтын құжаты жоқ тұлғалармен мәміле жасаумаға кеңес берді.

Қазақстан азаматтары 2025 жылдың алғашқы тоғыз айында 34 млрд теңгесінен айырылған.