Air Astana рейстер өзгеруі, кідіруі мүмкін екенін ескертті

Air Astana әуе компаниясы рейстер кестесі өзгеруі және кідіруі мүмкін екенін ескертті. Себебі Airbus ұшақтарына орнатылған бағдарламасын шұғыл түрде жаңартып жатыр.

Отандың әуе компаниясы мәліметінше, 28 қарашада Airbus ұшуға жарамдылық директивасын жариялады. Сол себепті оның ұшақтарын қолданатын компаниялардың бәрі биіктікті басқаратын компьютерді, операция бағдарламасын шұғыл түрде жаңартуға міндетті.

«Осыған байланысты Air Astana компаниялар тобы пайдаланатын Airbus ұшақтарының ұшу қауіпсіздігін қамтамасыз ету мақсатында міндетті жаңартуды жүргізу үшін базалардан ұшуы кідіртіледі», – деп хабарлады әуе компаниясы.

Air Astana кестеге әсерін мейлінше азайту үшін бар күш-жігерін жұмсайды, соған қарамастан рейстер өзгеруі және кідіруі мүмкін.

Әуе компаниясы жолаушыларға сайтта рейс мәртебесін алдын ала тексеруге кеңес береді.