Депутат Болатбек Нажметдинұлы журналист Михаил Козачковтан сотта жеңіліп қалды
Мәжіліс депутаты Болатбек Нажметдинұлы журналист Михаил Козачковқа қарсы сотта жеңіліп қалды. Алматы қалалық соты депутаттың апелляциялық шағымын қанағаттандырмай, Козачковтың пайдасына, яғни бірінші инстанция сотының шешімін күшінде қалдырды.
Сот Козачковтың депутаттың бұрынғы сотталғаны жайлы жазған ақпараты істің материалдарына сәйкес екенін және жала болып табылмайтынын нақты атап өтті. Сот шешімі бойынша, Козачковтың жариялаған мәліметтері қолданыстағы заңнама талаптарына сай және нақты дәлелдермен расталған.
Депутаттың адвокаттары журналист оны жемқорлыққа айыптады деп мәлімдеген. Алайда сот 2001 жылғы нақты үкімге назар аударды. Ол кезде құжаттарда Алиев Б.Н. ретінде көрсетілген Нажметдинұлы қызметтік өкілеттігін асыра пайдаланғаны үшін үш жылға бас бостандығынан айырылған. Кейін рақымшылықпен босатылған.
«Алматы қаласының мамандандырылған ауданаралық әкімшілік құқық бұзушылықтар жөніндегі сотының 2025 жылғы 7 қарашадағы Михаил Валерьевич Козачковқа қатысты қаулысын өзгеріссіз қалдыру, Нажметдинұлының мүддесін қорғаушы адвокаттар Тауасаров Г.И. мен Бурмистрова Н.В.-ның апелляциялық шағымдарын қанағаттандырмау», – делінген Алматы қалалық сотының қаулысында.
Апелляциялық алқа журналист фактілерді бұрмаламағанын және депутатқа ауыр қылмыстар жаппағанын атап өтті. Сондықтан жала жабу құрамы жоқ.
Жуырда Мәжіліс депутаты Болатбек Нәжімеденов әлеуметтік желіде қызықты видеоны бөліскен еді. Депутаттың айтуынша, осы аптада Құрылыс кодексі бойынша жұмыс тобының отырысында бір қызық жайтқа көзі түскен. Талқылау кезінде жұмыс тобына қосылған сарапшылардың бірі онлайн жиналыста майкамен отырған, қолында тамағы мен сусыны бар.
