Анталья мен Кипрде жер сілкінді
Жарияланды
Түркияның Анталья провинциясына қарасты Серік ауданында жер сілкінді. Дүмпу магнитудасы – 4,9 балл.
Түркия төтенше жағдайлар министрлігінің мәліметінше, жерасты дүмпуі Астана уақытымен сағат 15:21-де тіркелді. Сілкініс ошағы 28 км тереңдікте орналасқан.
Министрлік дүмпу зардаптары туралы әзірге ешқандай мәлімет таратпады.
Мәліметтерге қарағанда, дүмпуді Түркияның оңтүстік-батысы мен Кипрдің бөлігіндегі тұрғындар сезген.
Естеріңізге сала кетейік, 4 желтоқсанда түсте Алматыдан 277 шақырым жерде, Қытай аумағында жер сілкінді. Дүмпу Қазақстан мен Қырғызстан аумағында да сезілді.
