АҚШ-тан 2,5 миллионнан астам заңсыз иммигрант кетті

Президент Трамп пен мемлекеттік хатшы Ноэм саясатынан АҚШ-тан 2,5 миллионнан астам заңсыз иммигрант кеткен.

Елдің Ішкі қауіпсіздік министрлігі рекорд жаңартты. 605 000-нан астам адам депортацияланса, олардың 1,9%-ы өз еркімен елден шығуды ұйғарған.

Ішкі қауіпсіздік министрлігі (DHS) елдің қауіпсіздігін қамтамасыз ету бойынша тарихи прогресс туралы хабарлады.

«Биыл 2,5 миллионнан астам заңсыз иммигрант АҚШ аумағын тастап шыққан. 2025 жылғы 20 қаңтардан бастап Ішкі қауіпсіздік министрлігінің операциялары нәтижесінде 605 000-нан астам адам депортацияланды», – делінген хабарламада.

Ведомствоның ақпаратына қарағанда, Трамп әкімшілігінің АҚШ-та заңдылықты қалпына келтіру жұмыстары аясында министрлік ауыр қылмыс жасаған ең қауіпті заңсыз иммигранттарды елден шығару ісін басымдыққа қойып отыр.

Бұдан бөлек, Ішкі қауіпсіздік министрлігіне қарасты құқық қорғау органдарының кешенді жұмыстары арқасында 2025 жылдың қаңтарынан бері 1,9 миллион заңсыз иммигрант өз еркімен елден кеткен.

«Біз барлық заңсыз иммигранттарды CBP Home қосымшасын қолданып, Рождествоға арналған тегін ұшақ билеті мен 1000 доллар алу мүмкіндігін пайдалануға шақырамыз», – делінген министрліктің ақпаратында.

Мұның алдында АҚШ заңсыз мигранттарды Африканың оңтүстігіндегі Эсватиниге апарып тастағаны туралы ақпарат шыққан еді.