Астанада аяз күшейеді: төтенше жағдайлар қызметі сақ болуға шақырды

Ауа температурасының күрт төмендеуіне байланысты төтенше жағдай қызметтері елорда тұрғындарына үндеу жасады.

Синоптиктердің мәліметі бойынша, 21 желтоқсан түнде қалада ауа температурасы 25-27 градусқа дейін төмендеуі мүмкін. Осыған байланысты құтқарушылар қала тұрғындарын қысқы кезеңде қауіпсіздік шараларын сақтауға шақырды.

Астананың төтенше жағдайлар департаменті тұрғындарға қолайсыз ауа райы кезінде сақтық ережелерін қатаң ұстануды, дауылды ескертулерге мұқият болуды және мүмкіндігінше ұзақ сапарлардан бас тартуды ұсынады.

Сонымен қатар тұрғындарға ауа райының нашарлау және автокөлік жолдарының жабылуы туралы өзекті ақпаратты SMS-хабарламалар, ресми интернет-ресурстар және әлеуметтік желілер арқылы алуға кеңес беріледі.

Құтқарушылар мұздың қалыңдап, толық берік болмаған кезеңінде су бетіне шығудың қауіпті екенін ерекше ескертті және су қоймаларына қатысты қауіпсіздік ережелерін сақтаудың маңыздылығын еске салды.

Сонымен қатар, жеке сектор тұрғындарына ауа температурасының төмендеуі жағдайында өрт қауіпсіздігі талаптарын қатаң сақтауға кеңес берілді.