Алматы-Өскемен жолында жолаушылар автобусы мен жүк көлігі соқтығысты
Жарияланды
23 желтоқсан күні таңертең Абай облысындағы тас жолда жолаушылар автобусы мен жүк көлігі соқтығысып, бір адам қаза тауып, үшеуі жарақат алды, деп хабарлады облыс полиция департаменті.
Жол көлік оқиғасы Алматы-Өскемен автожолының 681 шақырымында орын алды. Yutong автобусы мен КамАЗ-5320 соқтығысқан.
«Соқтығысу салдарынан автобус жүргізушісі оқиға орнында қайтыс болды. Зардап шеккендердің үшеуі медициналық мекемеге барып, тексеруден кейін үйлеріне жіберілді», – деп хабарлады Абай облысы полиция департаменті.
Полиция сотқа дейінгі тергеуді бастады, сот сараптамалары тағайындалды. Олардың нәтижелері бойынша процессуалдық шешім қабылданатын болады.
